| e-texts navigator |
| Wylie |
52a1 འདི་ལྟ་སྟེ། དགེ་བསྙེན་མ་འཚོ་བའི་དཔལ་ཞེས་བྱ་བ་དང་། དགེ་བསྙེན་མ་དཔལ་འཕྲེང་ཞེས་བྱ་བ་དང་། དགེ་བསྙེརྣམས་གཞེས་བྱ་བ་དང་། དེ་ལ་སོགས་པ་ཐམས་ཅད་ཀྱང་ཐེག་པ་ཆེན
52a2 པོ་ཐོས་པར་འདོད་ལ། ཐོས་ནས་ཀྱང་གཞན་དག་ལ་བསྟན་པར་བྱའོ་སྙམ་དུ་དམ་བཅས་པ། བསྲུང་བ་ལྷུར་ལེན་པ། བུད་མེད་ཀྱི་ལུས་ངན་ནོ་སྙམ་དུ་སྨོད་པ་དང་། ལུས་སྙིང་པོ་མེད་དོ་སྙམ་དུ་སྨོད་པ། སོ་སོ།།
52a3 ནས་ཤས་ཆེར་སྒོམ་པ་དང་། འཁོར་བའི་འཁོར་ལོ་གཞིག་གོ་སྙམ་དུ་སེམས་པ་ཤ་སྟག་དང་། ཐེག་པ་ཆེན་པོས་སྐོམ་ལ་ངོམས་ནས་གཞན་སྐོམ་པ་དག་ངོམས་པར་བྱའོ་སྙམ་དུ་དམ་བཅས་པ་ཤ་སྟག་དང་། ཐེག་པ་ཆེན་པོ་ལ
52a4 སྲེད་པ། ཐེག་པ་ཆེན་པོ་ལ་སེར་སྣ་མེད་པ།། འཇིག་རྟེན་ཐམས་ཅད་དང་མཐུན་པར་སློབ་པར་འདོད་པ་དང་། གྲོལ་ནས་གཞན་དགྲོལ་བར་བྱའོ།། བརྒལ་ནས་གཞན་བསྒྲལ་བར་བྱའོ།། དཀོན་མཆོག་གསུམ་གྱི
52a5 གདུང་མི་འཆད་པར་བྱའོ། ། ཆོས་ཀྱི་འཁོར་ལོ་བསྐོར་བར་བྱའོ་སྙམ་དུ་སློབ་པར་འདོད་པ་ཤ་སྟག་དང་། གོ་ཆ་ཆེན་པོ་བགོས་པ། བསླབ་པ་རྣམས་ལ་བརྟུལ་ཞུགས་བརྟན་པ་དང་། དེ་བཞིན་དུ་ཡོན་ཏན་དུ
52a6 མ་དང་ལྡན་པ་དང་། བུ་གཅིག་པ་ལ་བྱ་བ་བཞིན་དུ་སེམས་ཅན་ཐམས་ཅད་ལ་སྙིང་རྗེ་དང་ལྡན་པ་ཤ་སྟག་སྟེ། དེ་དག་ཀྱང་ཉི་མ་འཆར་ཀར་ཤིན་ཏུ་རིངས་པར་གཅིག་ལ་གཅིག་འཇུས་ཏེ། དེ་བཞིན་གཤེགས
52a7 པའི་གདུང་ཞུགས་ལ་བཞེན་པའི་ཕྱིར། ཡམ་སྲེག་ཤིང་དགེ་བསྙེན་པ་རྣམས་ཀྱི་ཉིས་འགྱུར་ཁྱེར་བ་ལས། བཅོམ་ལྡན་འདས་ཀྱིས་ཞལ་ཟས་མ་བཞེས་ནས། བུ་ཤི་བ་བཞིན་དུ་མཆོག་ཏུ་སྡུག་བསྔལ
iiif viewer powered by OpenSeadragon
