| e-texts navigator |
| Wylie |
45a1 རྣམས་བྱུང་བར་གྱུར་ཏོ། ། གཞན་ཡང་དེའི་ཚེ་བཅོམ་ལྡན་འདས་ཉིད་ཀྱི་ཞལ་ནས་འོད་ཟེར་སྣ་ཚོགས་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང
45a2 ཤེལ་གྱི་ཁ་དོག་དང་། རྡོའི་སྙིང་པོའི་ཁ་དོག་ལྟ་བུ་དག་བྱུང་སྟེ། འོད་ཟེར་དེ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དང་། ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་དུ་སེམས་ཅན
45a3 དམྱལ་བ་དང་། དུད་འགྲོ་དང་། ཡི་དགས་དང་། གཤིན་རྗེའི་འཇིག་རྟེན་གྱི་སེམས་ཅན་དེ་དག་ལ་ཕོག་ནས། དེའི་མོད་ལ་ཉོན་མོངས་པའི་མུན་པ་ཐམས་ཅད་དང་བྲལ་ཏེ། ཉེས་སྡིག་ཐམས་ཅད་ཀྱི་རྒྱུན
45a4 ཆད་པར་གྱུར་ཏོ། ། དེ་ནས་མྱ་ངན་ཆེན་པོས་ནོན་ཏེ། ཚིག་མཐུན་པར་ཀྱེ་མ་ཁེབས་སོ་ཁེབས་སོ་ཞེས་ཀྱང་འཛེར་ཏོ།། ཀྱི་ཧུད་ཀྱི་ཧུད་ཅེས་ཀྱང་སྐད་ཆེར་འབོད་ཅིང་། ལག་པ་བརྐྱང་བས་ཀྱང་མགོ་བོ་ལ་རྡོབ
45a5 པར་བྱེད་དེ། འདར་ཞིང་ཤིན་ཏུ་ངུའོ།། དེའི་ཚེ་ས་ཆེན་པོ་ནགས་ཚལ་དང་བཅས། རི་དང་བཅས་པ་རྒྱ་མཚོའི་མཐས་གཏུགས་པ་ཡང་རབ་ཏུ་གཡོས་ཏེ། སེམས་ཅན་དེ་དག་ཀྱང་གཅིག་ལ་གཅིག་འཛིན
45a6 ཅིང་། འདི་སྐད་དུ། གྲོགས་པོ་དག་རིངས། གྱད་ཡུལ་གྱི་གྲོང་ཁྱེར་ཀུ་ཤར་འདོད་འདོང་ངོ་།། དེ་བཞིན་གཤེགས་པའོ་ཞབས་ལ་ཕྱག་འཚལ་ཏེ། ཡོངས་སུ་མྱ་ངན་འདའ་བར་གཤེགས་པ་ལས
45a7 བཟློག་ལ། བསྒྲིམ་མི་དགོས་པར་བསྐལ་པ་འམ། བསྐལ་པ་ལས་ལྷག་པར་ཡང་བཞུགས་པར་གསོལ་བ་གདབ་བོ་ཞེས་འཛེར་ཏོ།། གཅིག་ལ་གཅིག་འཇུས་ནས། འདི་སྐད་དུ་ཀྱེ་མ་འཇིག་རྟེན་སྟོང
iiif viewer powered by OpenSeadragon
