| e-texts navigator |
| Wylie |
261b1 ཆེན་པོ་ཐམས་ཅད་ཀྱིས་སོ་སོ་ནས་འཁོར་བརྒྱ་སྟོང་གྲངས་མེད་པ་དང་བཅས་ཏེ། བཅོམ་ལྡན་འདས་གང་ན་བ་དེར་ལྷགས་ནས། མཆོད་པ་དང་བཀུར་སྟི་བྱས། མནོད་པ་བྱས་ནས། ཐམས་ཅད་ཀྱིས་མགྲིན
261b2 གཅིག་ཏུ་ཚིགས་སུ་བཅད་པ་བརྒྱ་སྟོང་སྙེད་ཀྱིས་བཅོམ་ལྡན་འདས་ལ་ཡོངས་སུ་བསྟོད་དོ། ། དེ་ལྟར་སངས་རྒྱས་ལ་བསྟོད་ནས་ཀྱང་ཕྱོགས་གཅིག་ཏུ་འཁོད་དོ།། དེའི་ཚེ་མི་མཇེད་ཀྱི་འཇིག་རྟེན་གྱི་ཁམས་ཀྱང་ཡོངས་སུ
261b3 དག་པར་གྱུར་ཏེ། རི་ཁྲང་ཁྲོད་དང་། རི་ཆེན་པོ་དང་། ཆུང་ངུ་དང་། གཙང་པོ་དང་། ཆུ་ཀླུང་དང་། མཚེའུ་དང་། རྫིང་དང་། ལྟེང་ཀ་དང་། ཤང་ཤོང་དང་། ངམ་གྲོག་དག་མེད་ཅིང་། དེ་ན་གནས་པའི
261b4 སེམས་ཅན་རྣམས་ཀྱང་འོད་ཀྱིས་སྣང་བར་བྱས་པས། སངས་རྒྱས་གང་ན་དེར་ལྷགས་ནས་དགའ་ཞིང་མགུ་བའི་སེམས་ཀྱིས་ཐལ་མོ་སྦྱར་བ་བཏུད་ནས། མགོ་བོས་ཕྱག་འཚལ་ཏེ། མིག་ནི་འཛུམས་པར
261b5 ཆགས་པའི་ཡིད་ཀྱིས་ལྟ་ཞིང་འཁོད་དོ། ། དེ་ནས་བཅོམ་ལྡན་འདས་ཀྱིས་འོད་ཟེར་ཕྱིར་འདུས་པར་མཛད་དེ། འོད་ཟེར་དེ་དག་གིས་སྐུ་ལ་ལན་བདུན་བསྐོར་ནས།། དབུའི་སྤྱི་གཙུག་ཏུ་ནུབ་པར་གྱུར་ཏེ།། དེ་ལྟར་གྱུར་པ་ཀུན
261b6 དགའ་བོས་མཐོང་ནས། འཁོར་མང་པོ་ཐམས་ཅད་ཀྱང་ཐེ་ཙོམ་སྐྱེས་པར་སེམས་ཀྱིས་རབ་ཏུ་ཤེས་པས། དེ་བཞིན་གཤེགས་པའི་མཛད་པ་ཐབས་མཁས་པ་མངོན་པར་བསྟན་པ་དང་། ཕྱིས་མ་འོངས་པའི་སྐྱེ་བོ་དག
261b7 གི་ཤེས་རབ་ཀྱི་མིག་དབྱེ་བ་དང་། སོ་སོའི་སྐྱེ་བོ་ཐམས་ཅད་སྲེད་པའི་ཆུ་ཀླུང་ལས་བརྒལ་ཞིང་ཕ་རོལ་ཏུ་ཕྱིན་པས་བདེ་བ་ལ་དགོད་པ་དང་། སོ་སོའི་སྐྱེ་བོ་དག་པ་མ་དང་། སློབ་དཔོན་དང་། བླ་མའི་དྲིན་ལྕི་བ་དྲན་ཞིང་ཤེས་པར
iiif viewer powered by OpenSeadragon
