| e-texts navigator |
| Wylie |
260b1 འདས་དེ་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་ཀྱི་བྱིན་གྱི་རླབས་ཀྱིས་བདག་ཅག་རྣམས་མི་མཇེད་ཀྱི་འཇིག་རྟེན་གྱི་ཁམས་དེར་མཆི་ཞིང་། དེ་བཞིན་གཤེགས་པ་ཤཱཀྱ་ཐུབ་པ་ལ་མཆོད་པ་དང་།
260b2 བསྙེན་བཀུར་བགྱི་བ་དང་། ཐབས་མཁས་པ་ཆེན་པོ་སངས་རྒྱས་ཀྱི་དྲིན་ལྡན་བསབ་པའི་མདོ་སྡེ་དམ་པ་ཉན་ཅིང་མཆི་བར་བྱིན་གྱིས་བརླབ་ཏུ་གསོལ། དེ་ནས་སངས་རྒྱས་དེས། བྱང་ཆུབ་སེམས
260b3 དཔའ་རྣམས་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་དགྲ་ཁྱེད་མི་མཇེད་ཀྱི་འཇིག་རྟེན་གྱི་ཁམས་དེར་ཕྱིན་ནས། སངས་རྒྱས་བཅོམ་ལྡན་འདས་དེ་ལ་མཆོད་ཅིང་བཀུར་སྟི་བྱ་བ་དང་།
260b4 ཤིན་ཏུ་ཕྲད་དཀའ་བའི་འདུ་ཤེས་བསྐྱེད་པར་བྱའོ།། དེ་ཅིའི་ཕྱིར་ཞེ་ན། སངས་རྒྱས་ཤཱཀྱ་ཐུབ་པ་ནི་བསྐལ་པ་གྲངས་མེད་པ་བྱེ་བ་ཁྲག་ཁྲིག་གི་བར་དུ་ཤིན་ཏུ་སྤྱད་དཀའ་བ་སྤྱད་པས། སྙིང
260b5 རྗེ་ཆེན་པོའི་སྨོན་ལམ་འདི་སྐད་ཅེས་བཏབ་བོ། ། གལ་ཏེ་མངོན་པར་སངས་རྒྱས་པ་ན། འཇིག་རྟེན་གྱི་ཁམས་སྡིག་པ་ཅན་རི་དང་། ཤང་ཤོང་དང་། གྱོ་མོ་དང་། གསེག་མ་དང་། ཚོར་མ་ལ་སོགས་པ
260b6 ཡོད་པའི་གནས་སུ་སེམས་ཅན་དག་ཀྱང་ཉོན་མོངས་པ་དང་བཅས་པ། མཚམས་མེད་པ་ལྔ་དང་། མི་དགེ་བ་བཅུ་རྫོགས་པར་སྤྱད་པའི་གནས་དེར་མངོན་པར་སངས་རྒྱས་ཏེ། ཕན་པ་དང་བདེ་བའི་དོན
260b7 དུ་སྡུག་བསྔལ་ཐམས་ཅད་ཡོངས་སུ་བཅད་དེ། བདེ་བ་ཐམས་ཅད་དང་ལྡན་པར་བྱས་ནས། ཆོས་ཀྱི་སྐུ་ཡོངས་སུ་རྫོགས་ཤིང་ལྷག་མ་མ་ལུས་པའི་མྱ་ངན་ལས་འདས་པར་གྱུར་ཅིག་ཅེས་སྨན
iiif viewer powered by OpenSeadragon
