| e-texts navigator |
| Wylie |
258b1 ཁྱེད་རྣམས་འཇིག་རྟེན་གྱི་ཁམས་དེར་བྱིན་ནས། ཇི་ལྟར་སངས་རྒྱས་ཉིད་གཤེགས་པ་དང་། ཇི་ལྟར་སངས་རྒྱས་ཉིད་བཞུགས་པ་དང་འདྲ་བར་གནས་པར་བྱའོ་ཞེས་བཀའ་སྩལ་པ་དང་། བྱང་ཆུབ
258b2 སེམས་དཔའ་དེ་དག་ཐམས་ཅད་ཀྱིས་ཚིག་མཐུན་པར་བཅོམ་ལྡན་འདས་ཀྱི་བཀའ་བཞིན་དུ་བགྱིའོ་ཞེས་གསོལ་ནས། བྱང་ཆུབ་སེམས་དཔའ་དེ་དག་རེ་རེ་འདྲ་འཁོར་བྱང་ཆུབ་སེམས་དཔའ་བྱེ་བ
258b3 ཁྲག་ཁྲིག་བརྒྱ་སྟོང་སྙེད་ཀྱིས་ཡོངས་སུ་བསྐོར་ཏེ། མི་མཇེད་ཀྱི་འཇིག་རྟེན་གྱི་ཁམས་གང་ན་བ་དེར་སོང་སྟེ། དེ་དག་འཇིག་རྟེན་གྱི་ཁམས་པ་དང་གང་དུ་ཕྱིན་པར་འཇིག་རྟེན་གྱི་ཁམས་དེ་དག་རྣམ་པ་དྲུག་ཏུ
258b4 གཡོས་ཏེ། འོད་ཟེར་ཆེན་པོའང་ཀུན་ཏུ་སྣང་བར་གྱུར། སྟེང་གི་བར་སྣང་ལས་ལྷ་རྣམས་ཀྱིས་མེ་ཏོག་མནྡ་ར་བ་དང་། མནྡ་ར་བ་ཆེན་པོའང་ཆར་བཞིན་ཕབ་བོ།། འོད་ཟེར་ཆེན་པོས་སྣང་བར་བྱས་ཤིང་།།
258b5 རྫུ་འཕྲུལ་གྱིས་འཇིག་རྟེན་གྱི་ཁམས་གངྒའི་ཀླུང་གི་བྱེ་མ་སྙེད་དག་ཀྱང་གཡོས་སོ།། དེ་མ་ཡིན་པ་གཞན་ཡང་ལྷ་རྫས་ཀྱི་རོལ་མོ་ཚད་མེད་པ་བརྒྱ་སྟོང་སྙེད་ཀྱང་སྟེང་གི་བར་སྣང་ལམ་དཀྲོལ་བར་རང་ཟེར
258b6 བཞིན་དུ། བྱང་ཆུབ་སེམས་དཔའ་དེ་དག་བྱ་རྒོད་སྤུངས་པའི་རི་ལ་དེ་བཞིན་གཤེགས་པའི་སྤྱན་སྔར་ལྷགས་ནས། ཞབས་ལ་མགོ་བོས་ཕྱག་འཚལ་ཏེ། སངས་རྒྱས་ལ་ལན་གསུམ་བསྐོར་བ་བྱས
258b7 ནས་ཕྱོགས་གཅིག་ཏུ་འཁོད་དོ། ། དེའི་ཚེ་དེ་བཞིན་གཤེགས་པ་ཤཱཀྱ་ཐུབ་པས་ཁ་དོག་རྣམ་པ་ལྔ་དང་ལྡན་པའི་འོད་ཟེར་གྱིས་བྱང་ཕྱོགས་ལོགས་སུ་སངས་རྒྱས་ཀྱི་ཞིང་བྱེ་བ་ཁྲག་ཁྲིག་ལྔ་བརྒྱ
iiif viewer powered by OpenSeadragon
