| e-texts navigator |
| Wylie |
254b1 ལྷ་རྫས་ཀྱི་མེ་ཏོག་གིས་ཆལ་པར་བཀྲམ་པའི་ཁྲི་དེ་ལ་དེ་བཞིན་གཤེགས་པ་དགའ་བའི་རྒྱལ་པོ་སྐྱིལ་མོ་ཀྲུང་དུ་བཅས་ཤིང་བཞུགས་པ་ལ། བྱང་ཆུབ་སེམས་དཔའ་ཚད་མེད་པ་བྱེ་བ་བརྒྱ་སྟོང་སྙེད
254b2 མདུན་དུ་བདར་ཏེ་ཐལ་མོ་སྦྱར་བ་བཏུད་ནས། དེ་ལ་དེ་བཞིན་གཤེགས་པ་དེ་ལ་སོ་སོ་ནས་ཚིག་མཐུན་པར་འདི་སྐད་ཅེས་གསོལ་ཏེ།། བཅོམ་ལྡན་འདས་ཅིའི་རྒྱུ་ཅིའི་རྐྱེན་གྱིས་འོད་བཟང་པོ་ཁ་དོག་སྔོན
254b3 པོ་དང་། སེར་པོ་དང་། དམར་པོ་དང་། དཀར་པོ་དང་ལྡན་པ། རབ་ཏུ་གསལ་བ། དཔེར་མི་བཟོད་པ་འདི་ནུབ་ཕྱོགས་ལོགས་ནས་འཁོར་མང་པོ་འདི་དག་ལ་སྣང་བར་གྱུར་ཏེ། གང་ལ་འོད་ཀྱིས
254b4 རེག་པ་དེ་དག་ཐམས་ཅད་ལུས་དང་སེམས་བདེ་བར་གྱུར་པ་ཐུགས་བརྩེ་བའི་སླད་དུ། བཅོམ་ལྡན་འདས་ཀྱིས་བསྟན་དུ་གསོལ། དེ་ལ་བཅོམ་ལྡན་འདས་དེས་འདི་སྐད་ཅེས་བཀའ་སྩལ་ཏོ།།
254b5 རིགས་ཀྱི་བུ་དག་ལེགས་པར་ཉོན་ལ་ཡིད་ལ་ཟུང་ཞིག་དང་། ཁྱེད་ལ་བཀྲོལ་ཞིང་བཤད་པར་བྱའོ།། འདི་ནས་ནུབ་ཕྱོགས་ལོགས་སུ་འཇིག་རྟེན་གྱི་ཁམས་ཚད་མེད་པ་བརྒྱ་སྟོང་འདས་པའི་ཕ
254b6 རོལ་ན། སངས་རྒྱས་ཀྱི་ཞིང་མི་མཇེད་ཅེས་བྱ་བ་ཡོད་དེ། དེ་ན་སངས་རྒྱས་ཤཱཀྱ་ཐུབ་པ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དགུ་པར་རྫོགས་པའི་སངས་རྒྱས་རིག་པ་དང་ཞབས
254b7 སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། སྟོན་པ་རྒྱལ་བ་སངས་རྒྱས་བཅོམ་ལྡན་འདས་ཞེས་བྱ་བ་འཁོར་མང་པོས
iiif viewer powered by OpenSeadragon
