| e-texts navigator |
| Wylie |
250b1 ཅེས་བཀའ་སྩལ་ཏོ། ། ང་ཡི་སྲས་མཆོག་ཐུ་བོ་འོད་སྲུངས་དང་།། བློ་ལྡན་ཀུན་དགའ་ཁྱོད་ཀྱི་ཐེ་ཙོམ་གཅོད།། ཁྱོད་ཀྱིས་ང་ཡི་ཞལ་ལྟོས་རྟག་པ་དང་།། མི་རྟག་ཤེས་བྱོས་མྱ་ངན་མ་བྱེད་ཅིག།
250b2 དེ་ནས་འཁོར་དེ་དག་ཐམས་ཅད་ཀྱིས་བཅོམ་ལྡན་འདས་ལ་མཆོད་པ་ཆེན་པོ་བྱས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོ་ལམ་བཏབ་ནས། དེར་སེམས་ཅན་གངྒཱའི་ཀླུང་གཏམས
250b3 ཕྲག་དཀྲིགས་སྙེད་ཀྱི་བྱེ་མའི་གྲངས་སྙེད་ཀྱིས་སེམས་བསྐྱེད་ནས་བྱང་ཆུབ་སེམས་དཔའི་ས་དང་པོའི་གནས་ཐོབ་བོ། ། དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་དང་། བྲམ་ཟེ་ཆེ་ཞིང་མཐོ་བ་འོད
250b4 སྲུངས་ཆེན་པོ་དང་རུས་གཅིག་པ་ལ་བཀའ་སྩལ་ཏེ། མགར་བའི་བུ་ཙུན་ད་བྱང་ཆུབ་ཏུ་དབང་བསྐུར་ནས། བྱང་ཆུབ་སེམས་དཔའ་དེ་གསུམ་ལ་བཀའ་སྩལ་པ། རིགས་ཀྱི་བུ་དག་བག་ཡོད་པར་གྱིས
250b5 ཤིག། བག་ཡོད་པར་གྱིས་ཤིག། ང་སྐེད་པའི་ནད་དྲག་པོས་བཏབ་སྟེ། གཞོན་ནུ་དག་ང་རེ་ཞིག་ཐབས་ཀྱི་ནང་ཕོ་བྲང་དུ་ཉལ་བར་འདོད་ཀྱིས་ཉལ་དུ་ཆུག་ཅིག། འཇམ་དཔལ་ཁྱོད་ཀྱིས་འཁོར
250b6 ཐམས་ཅད་ལ་ཆོས་སྟོན་ཅིག། སེང་གེའི་སྒྲ་སྒྲོགས་ཤིག། གནས་བརྟན་འོད་སྲུངས་ཆེན་པོ་དང་། ཀུན་དགའ་བོ་གཉིས་མ་འོངས་ཀྱི་བར་དུ་ངས་ཁྱོད་ལ་བསྟན་པ་འདི་གཏད་ཀྱིས། ནམ་འོངས་པ
250b7 ན་དེ་གཉིས་ལ་གཏོད་ཅིག་ཅེས་དེ་སྐད་ཅེས་བཀའ་སྩལ་ནས། བཅོམ་ལྡན་འདས་གདུལ་བར་བྱ་བའི་དབང་གིས་ནད་པའི་ཚུལ་དུ་བཞུགས་པར་བསྟན་པ་སྟེ་གཟིམས་ཁང་ལེགས་སུ་ཟུར་གྱིས་གཟིས
iiif viewer powered by OpenSeadragon
