| e-texts navigator |
| Wylie |
250a1 ཐམས་ཅད་རྟག་པའོ། ། བདེ་བའོ་ཞེས་བྱ་བ་ལྟ་བུའོ།། དེ་ལྟར་ན་ཁ་ཅིག་ནི་ལྷག་མ་ཡོད་པའོ།། ཁ་ཅིག་ནི་ལྷག་མ་མེད་པ་ཡིན་པར་ཆོས་འདོད་པའི་རིགས་ཀྱི་བུས་རིག་པར་བྱའོ།།
250a2 གསོལ་པ། ཀྱེ་མ་དེ་བཞིན་གཤེགས་པ་ནི་སེམས་ཅད་ཐམས་ཅད་ལ་སྒྲ་གཅན་ཟིན་བཞིན་དུ་གཟིགས་པ་ལགས་ཏེ་བདག་ཤིན་ཏུ་རངས་ལགས་སོ།། བཀའ་སྩལ་པ། རིགས་ཀྱི་བུ་ལེགས
250a3 སོ་ལེགས་སོ། ། དེ་ལྟར་ཆ་ཕྲ་བར་བརྟག་དགོས་སོ།། གསོལ་པ། བཅོམ་ལྡན་འདས་ད་ནི་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོའི་བསོད་ནམས་ཇི་ལྟར་སྐྱེ་བ་བཀའ་སྩལ་དུ
250a4 གསོལ། བཀའ་སྩལ་པ། སངས་རྒྱས་ཀྱི་ཡུལ་འདི་ནི་བསམ་གྱིས་མི་ཁྱབ་པའི་ཕྱིར་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་། མདོ་སྡེ་འདིའི་མིང་ཡང་ཚིག་ཙམ་དུའང་ཉན་པ་རྣམས
250a5 ལ་བརྗོད་པར་མི་ནུས་སོ། ། དེ་ནས་བཅོམ་ལྡན་འདས་ལ་ལྷ་དང་། མི་དང་། ལྷ་མ་ཡིན་རྣམས་ཀྱིས་རླིག་མཐུན་པར་ཚིགས་སུ་བཅད་དེ་གསོལ་པ། སངས་རྒྱས་བསམ་ཡས་བསམ་ཡས
250a6 ཆོས་གསུང་བ། ། ཆོས་དང་དགེ་འདུན་རྟག་ཏུ་ཁྱོད་ལ་རྟེན།། དེ་ཕྱིར་དགེ་སློང་འོད་སྲུངས་ཀུན་དགའ་བོ།། མ་མཆིས་བར་དུ་མགོན་པོ་བཞུགས་པར་གསོལ།། བེ་དེ་ཧ་ཡི་རྒྱལ་པོ་མ་སྐྱེས་དགྲ།། ཁྱོད་ཀྱི
250a7 མཛའ་མཆོག་ཐུགས་འདྲ་ཆེ་བ་ཡང་། ། ད་དུང་མ་མཆིས་མཐར་ཐུག་ཁྱོད་མ་གཤེགས།། ཀུན་མཁྱེན་ཁྱོད་ཀྱིས་བདག་ཅག་ཐེ་ཙོམ་ཆོད།། དེ་ནས་བཅོམ་ལྡན་འདས་ཀྱིས། དེ་དག་ལ་འདི་སྐད
iiif viewer powered by OpenSeadragon
