| e-texts navigator |
| Wylie |
249a1 བྱང་ཆུབ་སེམས་དཔའ་དེ་བཞིན་གཤེགས།། དེ་དག་རྟག་ཏུ་ཟས་མེད་དེ།། དེ་ནི་སངས་རྒྱས་ཆོས་ཉིད་དོ།། དགྲ་བཅོམ་པ་རྣམས་དང་། རང་སངས་རྒྱས་རྣམས་དང་། བྱང་ཆུབ
249a2 སེམས་དཔའ་རྣམས་དང་། དེ་བཞིན་གཤེགས་པ་རྣམས་ནི་ཞལ་ཟས་ཀྱང་མི་གསོལ་ལ།། སྦྱིན་པ་འབུམ་ཕྲག་མང་པོའང་བཞེས་པར་མཛད་དོ།། སྦྱིན་པ་བླང་བར་བྱ་བའི་གདམས་ངག་ཀྱང་སྟོན
249a3 པར་མཛད་དེ། ། སེམས་ཅན་རྣམས་སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་རྒྱ་མཚོ་ལས་ངེས་པར་བསྒྲལ་བའི་ཕྱིར་སྦྱིན་པའི་ཕ་རོལ་ཏུ་ཕྱིན་པ་བསྔགས་པར་ཡང་མཛད་ལ།
249a4 གསོལ་བར་ཡང་མི་མཛད་དོ།། དེ་བཞིན་གཤེགས་པ་ལོ་དྲུག་གི་བར་དུ་དཀའ་བ་སྤྱད་པས་ཉམ་ཆུང་བར་གྱུར་ཏོ་ཞེས་སངས་རྒྱས་ལ་སེམས་ཅན་ཐམས་ཅད་དང་འདྲ་བར་བལྟ་བར་མི་བྱའོ།། འདོད
249a5 པའི་ཆུ་བོ་ལས་བརྒལ་བ་དེ་དག་ནི་བརྟན་པོ་ཡིན་ཏེ། དཔའ་བོ་དེ་དག་ནི་མིའི་ཡུལ་ལོ་སྤྱོད་པ་མ་ཡིན་ནོ།། དེ་བཞིན་དུ་ངའི་ཉན་ཐོས་རྣམས་ཀྱི་སྟོབས་དང་སྤྱོད་ཡུལ་ཡང་བསམ་གྱིས་མི་ཁྱབ་བོ།།
249a6 སེམས་ཅན་ཐམས་ཅད་ཟས་ལ་རྟེན་ཅེས་བྱ་བའང་ལྷག་མ་ཡོད་པའི་དོན་ཡོད་པར་ཤེས་པར་བྱའོ།། སེར་སྣ་མེད་པ་ཐམས་ཅད་གཡོ་བ་ཡིན་ཞེས་བྱ་བ་འདིའང་ལྷག་མ་ཡོད་པའི་དོན་ཡིན་ཏེ།
249a7 བདག་ལ་སེར་སྣ་བྱེད་པ་མི་གཡོ་བའི་བདེ་བར་འགྲོ་བ་དམ་པ་འགའ་ཡང་ཡོད་དོ།། ཐམས་ཅད་ཟས་ཀྱི་ཉེས་པས་ནང་དུ་འགྱུར་ཞེས་བྱ་བ་དེའང་ལྷག་མ་ཡོད་པའི་དོན་ཡིན་ཏེ། ཚེར་མས
iiif viewer powered by OpenSeadragon
