| e-texts navigator |
| Wylie |
248b1 པ་ཡིན་ལ། སྐྱེས་པར་གྱུར་པ་ནི་རང་དབང་ཅན་ཡིན་ནོ་སྙམ་དུ་བསམས་ནས། དེ་བཞིན་གཤེགས་པ་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་སོང་སྟེ། དེའི་རྟོགས་པ་ཐུགས་སུ་རླུང
248b2 ནས། བཅོམ་ལྡན་འདས་ཀྱིས། གཞན་གྱི་དབང་གྱུར་ཐམས་ཅད་སྡུག། ཅེས་ཚིགས་སུ་བཅད་པ་དེ་སྐད་གསུངས་སོ།། བྱང་ཆུབ་སེམས་དཔའ་རྣམས་ཀྱི་ནང་ན་མིའི་ཁྱུ་མཆོག་འཇམ་དཔལ་ལག
248b3 སོ་ལེགས་སོ། ། སེམས་ཅན་ཐམས་ཅད་ལ་ཕན་པའི་ཕྱིར། དགོངས་པའི་ཚིག་འདི་ང་ལ་ཞུས་པ་ལེགས་སོ།། དེ་ནས་བཅོམ་ལྡན་འདས་ཀྱིས། ཡང་འཇམ་དཔལ་གཞོན་ནུར་གྱུར་པ་ལ་ཚིགས་སུ
248b4 བཅད་དེ་བཀའ་སྩལ་པ། ཐམས་ཅད་ཟས་ལ་རྟེན་པ་ཡིན།། སེར་སྣ་མེད་པ་ཐམས་ཅད་གཡོ།། ཟས་ཀྱི་ཉེས་པས་ནང་དུ་འགྱུར།། ཚངས་པར་སྤྱོད་པ་འགྲོགས་ན་བདེ།། འཇམ་དཔལ་གྱིས
248b5 གསོལ་པ། བཅོམ་ལྡན་འདས་ཅི་ལགས། ཙུན་དའི་སྦྱིན་པ་ཆེར་གསོལ་ནས་ཞལ་ཟས་ཀྱི་ཉེས་པས་བསྙེངས་ལགས་སམ། དེ་ནས་བཅོམ་ལྡན་འདས་ཀྱིས། འཇམ་དཔལ་ལ་འདི་སྐད་ཅེས
248b6 བཀའ་སྩལ་ཏོ། ། སེམས་ཅན་ཐམས་ཅད་ཀྱང་ཟས་ལ་རྟེན་པ་མ་ཡིན་ནོ།། སེར་སྣ་མེད་པ་ཐམས་ཅད་ཀྱང་གཡོ་བ་མ་ཡིན་ནོ།། ཐམས་ཅད་ལའང་ཟས་ཀྱི་ཉེས་པས་ནང་དུ་འགྱུར་བ་ཡིན་ནོ།།
248b7 ཆོས་སྤྱོད་པ་རྣམས་དང་འགྲོགས་སོ་ཅོག་ཀྱང་བདེ་བ་མ་ཡིན་ནོ།། འཇམ་དཔལ་གང་གི་ཚེ་ཁྱོད་ནད་ཀྱིས་ཐེབས་པ་དེའི་ཚེ། ངའང་ནད་ཀྱིས་ཐེབས་སོ།། དགྲ་བཅོམ་དང་ནི་རང་སངས་རྒྱ།། །
iiif viewer powered by OpenSeadragon
