| e-texts navigator |
| Wylie |
248a1 ཚུལ་ཁྲིམས་དང་ཆོ་ག་དང་ལྡན་པ་དང་། དབང་པོ་བསྲུངས་པ་ལགས་ཏེ། དེ་བས་ན་ང་རྒྱལ་གྱི་དབང་དུ་གྱུར་པ་ཀུན་མི་བཟད་པའང་མ་ལགས་སོ།། དགའ་བ་ཐམས་ཅད་བཟང་།
248a2 བ་ཡིན།། ཞེས་བགྱི་བ་དེའང་ལྷག་མ་ཡོད་པའི་དོན་ལགས་ཀྱི། དགའ་བ་ཐམས་ཅད་ཀྱང་བཟང་བ་མ་ལགས་ཏེ། བསྟན་པ་འདི་ལ་ཕམ་པ་བྱུང་བ་རྣམས་གོས་ཚེན་ཅན་གྱི་རྟགས་ཅན་རྣམས་དང
248a3 ལྡན་ཅིག་འཁོད་པ་བདག་ཉིད་ཀྱིས་རུང་བར་མཐོང་ཡང་། སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཏེ། དེ་ལྟ་བུ་དག་ལ་བཟང་ཞེས་བགྱིས་ན་དོན་དང་འགལ་བར་འགྱུར་ལགས་སོ།། ཕམ་པ་བྱེད་བྱེད
248a4 པ་དེ་དག་གོས་དཀར་པོ་གྱོན་དུ་འཇུག་པ་དེ་དག་ནི་བཟང་པོའི་མཆོག་དོན་རྒྱ་ཆེན་པོ་བགྱིད་པ་ལགས་སོ། ། ཕམ་པ་བགྱིད་པ་རྣམས་ནི་མི་བཟང་བ་ཞེས་བགྱི་བ་སྟེ། དེ་དག་ཕུལ་བར་བགྱིད་པ་དེ་དག་ནི
248a5 བཟང་བ་ཞེས་བགྱིའོ། ། དེ་བས་ན་དགའ་བ་ཐམས་ཅད་བཟང་བ་མ་ལགས་ན། ལྷའི་ཡང་ལྷ་སངས་རྒྱས་དེ་བཞིན་གཤེགས་པས་ཅི་ལས་དགོངས་ཏེ་དེ་སྐད་བཀའ་སྩལ་པ་ལགས།། དེ་ནས་བཅོམ་ལྡན
248a6 འདས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། སངས་རྒྱས་ནི་རྒྱུ་མེད་པར་དོན་དང་འགལ་བ་མི་གསུང་གི། རྒྱུ་དང་བཅས་པ་རྐྱེན་དང་བཅས་པར་གསུང་སྟེ། རྒྱལ
248a7 པོའི་ཁབ་ན། ཁྱིམ་བདག་ཀོ་ཏ་ཀའི་བུ་མོ་རབ་བཟང་མ་པའི་ཁྱིམ་དུ་སོང་ནས་རབ་ཏུ་འབྱུང་བའི་སེམས་སྐྱེས་ཏེ། དེ་བཞིན་གཤེགས་པའི་ཐད་དུ་སོང་ནས་བུད་མེད་དུ་གྱུར་པ་ནི་གཞན་གྱི་དབང་དུ་གྱུར
iiif viewer powered by OpenSeadragon
