| e-texts navigator |
| Wylie |
247a1 བྱས་སོ། ། ཆང་པ་དག་གིས་ཐམས་ཅད་སྐྲག། ཀུན་ལ་སྲོག་ནི་འཕངས་པ་ཡིན།། བདག་གི་ཉམས་ལས་དཔག་བྱ་ཞིང་།། བརྡེག་པར་མི་བྱ་གསད་མི་བྱ།། མིག་རྒྱང་རིང་དུ་ལྟོས་ལ།
247a2 རིང་དུ་འཚོ་བར་གྱིས་ཤིག། འཚེ་བ་མེད་པའི་རྟགས་ཀྱི་དོན་ཁོང་དུ་ཆུད་པར་གྱིས་ཤིག། བྱང་ཆུབ་སེམས་དཔའ་རྣམས་ཀྱི་ནང་ན་མོའི་ཁྱུ་མཆོག་འཇམ་དཔལ་ལེགས་སོ་ལེགས་སོ།། སེམས་ཅན་ཐམས
247a3 ཅད་ལ་ཕན་པའི་ཕྱིར། དགོངས་པའི་ཚིག་འདི་དྲིས་པ་དེ་ནི་ལེགས་སོ།། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་ཚིགས་སུ་བཅད་དེ་འདི་སྐད་ཅེས་གསོལ་ཏོ།། མ་ལ་མཆོད
247a4 པའི་ཚུལ་གྱིས་ནི། ། ཕ་མ་གཉིས་ལ་མཆོད་བགྱིས་ན།། བླ་མ་ལ་ཡང་གུས་གྱུར་ལ།། མནར་མེད་འཇིགས་པར་ཇི་ལྟར་མཆིས།། དེ་ནས་བཅོམ་ལྡན་འདས་ཀྱིས་ཚིགས་སུ་བཅད་དེ་འདི་སྐད་ཅེས་བཀའ
247a5 སྩལ་ཏོ། ། འདྲིར་ནི་སྲིད་པ་མ་ཞེས་བྱ།། གཏི་མུག་ལ་ནི་ཕ་ཞེས་བྱ།། ཆོས་འདི་གཉིས་ལ་གང་མཆོད་པ།། དེ་ནི་མནར་མེད་འཇིགས་པར་འགྲོ།། དེ་ནས་བཅོམ་ལྡན་འདས་ཀྱིས། ཡང་འཇམ་དཔལ་གཞོན
247a6 ནུར་གྱུར་པ་ལ་ཚིགས་སུ་བཅད་པ་འདི་སྐད་ཅེས་བཀའ་སྩལ་ཏོ། ། གཞན་གྱི་དབང་གྱུར་ཐམས་ཅད་སྡུག། རང་དབང་ཅན་ནི་ཐམས་ཅད་བདེ།། ང་རྒྱལ་དབང་གྱུར་ཀུན་མི་བཟད་།། དགའ་བ་ཐམས་ཅད་བཟང་བ
247a7 ཡིན། ། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱིས་ཆོས་ཀྱི་སྒོ་དེ་སྐད་དུ་བཀའ་སྩལ་པ་ནི་ལེགས་པར་བཀའ་སྩལ་པ་མ་ལགས
iiif viewer powered by OpenSeadragon
