| e-texts navigator |
| Wylie |
245a1 གཞན་གྱི་མི་མཐུན་བརྟག་མི་བྱ།། ཞེས་བཅོམ་ལྡན་འདས་དེ་བཞིན་གཤེགས་པས་ཆོས་ཀྱི་སྒོ་སྐད་དུ་བཀའ་སྩལ་པ་ནི། ལེགས་པར་བཀའ་སྩལ་པ་མ་ལགས་ཏེ། འདི་ལ་ཅིའི་སླད་དུ་དེ་སྐད
245a2 ཅེས་བཀའ་སྩལ་པའི་རྒྱུ་བཀའ་སྩལ་འཚལ་ལགས་སོ། ། བཅོམ་ལྡན་འདས་ཀྱིས་གསུངས་རབ་ཡན་ལག་དགུ་ལས་འདྲི་ན་གཅེར་བུ་པ་སེམས་ཅན་དམྱལ་བ་ཐམས་ཅད་དང་། ཡ་མཚན་ཅན་དགུ་བཅུ་རྩ་དྲུག་པོ
245a3 རྣམས་ནི་ལམ་ངན་པར་ཞུགས་པ་ཡིན་ནོ། ། སངས་རྒྱས་ཀྱི་སྲས་ཐམས་ཅད་ནི་མྱ་ངན་ལས་འདས་པ་ལ་ཞུགས་པ་ཡིན་ནོ།། དྲང་པོ་དང་། ཚུལ་ཁྲིམས་དང་། ཆོ་ག་དང་ལྡན་པ་དང་། དབང་པོ་ཐུལ་བ
245a4 གང་ཡིན་པ་དེ་དག་ཐམས་ཅད་ནི་མཐོ་རིས་སུ་འགྲོ་བ་དང་ཆོས་ཀྱི་སྤྱོད་ཡུལ་ཅན་ཡིན་ནོ་ཞེས་བདག་བསྟོད་པ་དང་། གཞན་སྨོད་པ་དང་། གཞན་གཤུད་བ་བཀའ་སྩལ་ཏེ། བཅོམ་ལྡན་འདས་ཀྱིས་ད་ལྟར་གཞན
245a5 དང་མི་མཐུན་པ་རྣམས་ཀྱང་བཀའ་སྩལ་པ། གཞན་དག་དང་མི་མཐུན་པ་ཞེས་བགྱི་བའང་མ་ལགས་པ་དེ་ཇི་ལྟ་བུ་ལགས།། དེ་ནས་བཅོམ་ལྡན་འདས་ཀྱིས། འཇམ་དཔལ་གཞོན་ནུར
245a6 གྱུར་པ་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་ངས། གཞན་གྱི་མི་མཐུན་རྟག་མི་བྱ།། ཞེས་བསྟན་པ་དེ་གང་ལས་ནི་བརྩམས། ཅིའི་ཕྱིར་ནི་བསྟན་ཅེ་ན། མ་སྐྱེས་དགྲ་ལས་བརྩམས་ནས་བསྟན
245a7 པ་ཡིན་ཏེ། སངས་རྒྱས་བཅོམ་ལྡན་འདས་ནི་རྒྱུ་མེད་པར་དོན་དང་འགལ་བ་སྟོན་པར་མི་མཛད་ཀྱི། རྒྱུ་དང་བཅས་རྐྱེན་དང་བཅས་པར་མཛད་དེ། སྔོན་མ་སྐྱེས་དགྲས་པ་བསད་ནས་ངའི་ཐད་དུ་འོངས
iiif viewer powered by OpenSeadragon
