| e-texts navigator |
| Wylie |
244a1 @#། ། སྩལ་དུ་གསོལ།། དཔེར་ན་ནོར་གྱི་འཐུང་ཁུང་གི་རྒྱས་མ་ངན་འབྱུང་ཁུང་ལ་མི་མཁས་པ་ཞིག་གིས་དེ་ཁོན་ན་གསེར་མཆིས་བཞིན་དུ། འདིག་སེར་མ་མཆིས་སོ་ཞེས་མཆིས་པས་ནི། གནས་ཀྱི་ཕྱོགས་མའི་ཕྱེ
244a2 བྲག་ཙམ་ཉི་ཚེ་ཤེས་པར་བགྱི་ལགས་སོ། ། ནགས་ཚལ་ཀུན་ནི་ཤིང་ཉིད་ཡིན་ནོ་ཞེས་བགྱི་བ་ནི། ལྷག་མ་ཡོད་པའི་དོན་ལགས་ན། ནགས་ཚལ་རྣམ་པ་མང་དུ་མཆིས་ཏེ། འདི་ལྟ་སྟེ། གསེར་དང་བཻ་ཌཱུརྱའི་ནགས་ཚུལ
244a3 ཡང་མཆིས་ལགས་སོ། ། དེ་བཞིན་དུ་བུད་མེད་ཀུན་ལ་གཡོ་རྒྱུ་ཡོད་ཅེས་བགྱི་བའང་ལྷག་མ་ཡོད་པའི་དོན་ལགས་ཏེ། བུད་མེད་ལའང་ཚུལ་ཁྲིམས་དང་ལྡན་པ་དང་། འདོད་ཆགས་དང་བྲལ་བ་དང་། སེར
244a4 སྣ་མ་མཆིས་པ་དུ་མ་མཆིས་ལགས་སོ། ། དབང་ཕྱུག་ཐམས་ཅད་བདེ་བ་ཡིན་ཞེས་བགྱི་བ་དེའང་ལྷག་མ་ཡོད་པའི་དོན་ལགས་ཏེ། དབང་ཕྱུག་ཅེས་བགྱི་བ་ནི་འཁོར་ལོས་སྒྱུར་བའི་རྒྱལ་པོ་དང་སངས་རྒྱས
244a5 རྣམས་དབང་ཕྱུག་གི་མཆོག་ལགས་མོད་ཀྱི། དེ་དག་ཀྱང་འཆི་འཕོའི་དབང་དུ་འགྱུར་ཞིང་ཟད་པའི་ཆོས་ཅན་ལགས་ན། ཚངས་པའི་དབང་ཕྱུག་འདི་དག་ཀྱང་ལྟུང་བའི་ཆོས་ཅན་ལགས་ཏེ། དེ་བས་ན་དེ
244a6 དག་ནི་དབང་ཕྱུག་མ་ལགས་ཞེས་བདག་མཆི་ལགས་སོ། ། རྟག་པ་དང་བརྟན་པའི་དབང་ཕྱུག་གང་ལགས་པ་དེ་ནི། མྱ་ངན་ལས་འདས་པ་མཆོག་ཏུ་བདེ་བའི་དབང་ཕྱུག་ལགས་སོ།། བཀའ་སྩལ
244a7 པ། འཇམ་དཔལ་དཔེར་ན་སྨན་པ་ཞིག་གིས་ཁྱིམ་བདག་གི་བུ་ཞིག་གི་གསོ་བར་བྱེད་དེ། སྨན་མར་བསྐོལ་ནས་དེ་འཐུང་དུ་བཅུག་པ་ན་ནད་པ་དེ་མར་མང་དུ་འཐུང་བར་སྩོལ་ལོ།། དེ་ནས་སྨན
iiif viewer powered by OpenSeadragon
