| e-texts navigator |
| Wylie |
243b1 དཔའི་མི་མཆོག་གིས་ནི་ཚུལ་ཁྲིམས་འཆལ་པ་རྣམས་ཞིང་གི་རྗེ་བཞིན་དུ་ཚར་གཅད་པར་བྱའོ། ། རིགས་ཀྱི་བུ་གཞན་ཡང་ངས་སྔོན་ཚིགས་སུ་བཅད་པ་འདི་བསྟན་ཏེ། འདི་ལྟ་སྟེ། ཆུ་ཀླུང་ཆུ་ཀུན་གྱ་གྱུར་འབབ
243b2 ནགས་ཚལ་ཀུན་ནི་ཤིང་ཉིད་ཡིན། ། བུད་མེད་ཀུན་ལ་གཡོ་རྒྱུ་ཡོད།། དབང་ཕྱུག་ཐམས་ཅད་བདེ་བ་ཡིན།། བུད་མེད་རྣམས་ཀྱི་སེམས་ནི་གཡོ་སྒྱུ་ཅན་དང་། འཇིགས་སུ་རུང་བ་ཡིན་ནོ།།
243b3 ནས་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ལ་སླར་ཚིགས་སུ་བཅད་དེ་གསོལ་པ། ཆུ་ཀུན་གྱ་གྱུར་འབབ་མ་ལགས
243b4 ནགས་ཚལ་ཀུན་ཀྱང་ཤིང་མ་ལགས། ། བུད་མེད་ཀུན་ལའང་གཡོ་མ་མཆིས།། དབང་ཕྱུག་ཀུན་ཀྱང་བདེ་མ་ལགས།། དེ་བས་བཅོམ་ལྡན་འདས་ཀྱིས་ཆོས་ཀྱི་སྒོ་དེ་སྐད་དུ་བཀའ་སྩལ་པ་ནི་ལེགས་པར་བཀའ
243b5 སྩལ་པ་མ་ལགས་ཏེ། འདི་ལ་རྒྱུ་ཅི་མཆིས་པ་བཀའ་སྩལ་འཚལ་ལགས་སོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ནི་གླིང་ཐ་དད་པ་ནུབ་ཀྱི་བ་གླང་སྤྱོད་ཅེས་བགྱི་བ་མཆིས་ཏེ། དེ་ན་ཆུ་ཀླུང
243b6 གི་མིང་དྲང་པོར་འབབ་ཅེས་བགྱི་བ། ཤིང་མཁན་གྱི་ཐིག་སྐུད་བཞིན་དུ་ནུབ་ཕྱོགས་ཀྱི་མཚོ་ནས་ཤར་ཕྱོགས་ཀྱི་རྒྱ་མཚོར་དྲང་པོར་འབབ་པ་ཞིག་མཆིས་ལ། ཐམས་ཅད་ཅེས་བགྱི་བ་ནི་ཤིན་ཏུ་རྒྱས་པའི་ལུང
243b7 ལས་ལྷག་མ་ཡོད་པའི་དོན་ལགས་པར་བཅོམ་ལྡན་འདས་ཀྱིས་བཀའ་སྩལ་ན། ཆུ་ཀླུང་དྲང་པོར་འབབ་ཅེས་བགྱི་བ་དེ་ཤིན་ཏུ་རྒྱས་པའི་ལུང་གི་མདོ་གང་ལས་བཤད་པ་བཅོམ་ལྡན་འདས་བདེན་པ་གསུང་བས་བཀའ
iiif viewer powered by OpenSeadragon
