| e-texts navigator |
| Wylie |
242b1 ཞིག་གི་ནང་དུ་བུ་ཁྱེའུ་ཞིག་བཙས་ཏེ་དེ་བདེ་བར་གྱུར་ནས་ཁྱེའུ་དེ་ཁྱེར་ཏེ། བདག་གི་ཡུལ་ཞི་བར་གྱུར་པའི་འོག་ཏུ་དེ་ལོགས་སུ་ཆས་པ་ལས། ཆུ་ཀླུང་ཆེན་པོ་ཞིག་དང་ཕྲད་ནས་ཆུ་དེ་བརྒལ་བ་ན་བུ་དང་བཅས་ཏེ་ཆུའི་ནང་དུ
242b2 ཉམ་ཐག་པར་གྱུར་ནས། བདག་ནི་ཤིབང་བླའི། ཁྱེའུ་འདི་ཐར་བར་བྱའོ་སྙམ་ནས། དེས་དེའི་དོན་དུ་འབད་པ་ལས་བུ་དང་ལྷན་ཅིག་ཏུ་ཤི་ནས་སྔོན་མཆོག་ཏུ་འཇིགས་པའི་ལས་བྱས་སུ་ཟིན་ཀྱང་བུ་ལ་བྱམས་ཤིང་ཐར་པར
242b3 བྱའོ་སྙམ་པའི་འབྲས་བུས་མཐོ་རིས་སུ་སྐྱེས་པ་དེ་བཞིན་དུ། ཕམ་པ་བྱེད་བྱེད་པ་དང་། མཚམས་མེད་པ་བྱེད་བྱེད་པ་ལས་དམ་པའི་ཆོས་འབྱིན་པར་བྱེད་པ་དེ་དག་ནི། སྔོན་སྡིག་པའི་ལས་བྱས་སུ་ཟིན་ཀྱང་དམ་པའི་ཆོས
242b4 འབྱིན་པའི་འབྲས་བུས་བུད་མེད་དེ་དང་འདྲ་བར་སེམས་ཅན་ཐམས་ཅད་ཀྱི་ཡོན་གནས་སུ་འགྱུར་ཏེ། དམ་པའི་ཆོས་འབྱིན་པའི་འབྲས་བུ་ནི་དེ་ལྟར་ཆེའོ།། གསོལ་པ། བཅོམ་ལྡན་འདས་འདོད་ཆེན་པོ་འདོད་ཆེན་པར
242b5 ལྷུང་བར་གྱུར་པ་ལས། སླད་ཀྱིས་གཞི་གསུམ་ལ་འཆགས་པར་བགྱིད་ཅིང་བཟོད་པར་གསོལ་བར་བགྱིད་ན་ཅི་ལགས། དེ་ལ་སྩལ་བའང་འབྲས་བུ་ཆེ་བར་མི་འགྱུར་ལགས་སམ། བཀའ་སྩལ་པ། རིགས་ཀྱི་བུ
242b6 དེ་སྐད་མ་ཟེར་ཅིག། དཔེར་ན་མི་ལ་ལ་ཞིག་གིས་ཤིང་ཐོག་ཨ་མྲ་ཟོས་ནས་རུས་པ་ས་ལ་བོར་བའི་འོག་ཏུ་དེས་འདི་སྙམ་དུ་བསམས་ཏེ། ནང་གི་ཚིག་གུ་ཞིམ་ཡང་དག་སྙམ་ནས། དེས་དེའི་ཕྱི་རོལ་རུས་པ་བོར་ཏེ
242b7 ཚིག་གུ་ཟོས་པ་དང་། དེས་དེའི་རོ་མི་ཞོམ་པར་ཚོར་ནས་ཡང་བོར་རོ།། དེ་ནས་དེས་ཀྱི་ཧུད་བདག་གིས་ས་བོན་མ་རུང་བར་བྱས་སོ་སྙམ་དུ་བསམས་ནས། ས་བོན་དེ་ཕྱིར་རུས་པའི་ནང་དུ་བཅུག་ནས་ས་བརྐོས་པའི་འོག་ཏུ་བཅུག
iiif viewer powered by OpenSeadragon
