| e-texts navigator |
| Wylie |
241b1 དམ་པའི་ཆོས་ཀྱི་ཕྱོགས་ཀྱང་མི་འཛིན། དམ་པའི་ཆོས་དབྱུང་ངོ་སྙམ་དུ་འབད་པར་ཡང་མི་བྱེད་ལ། དེ་ཉིད་ཀྱི་བསྔགས་པ་མ་ཡིན་པའང་རྗོད་པར་བྱེད་པ་དེ་དག་ཀྱང་འདོད་ཆེན་པའི་ལམ་དུ་ཞུགས་པ་ཡིན་ནོ།།
241b2 སངས་རྒྱས་མེད་དོ།། ཆོས་མེད་དོ།། དགེ་འདུན་མེད་པ་ཞེས་ཟེར་བ་གང་ཡིན་པ་དེ་དག་ཀྱང་འདོད་ཆེན་པའི་ལམ་དུ་ཞུགས་པ་ཡིན་ནོ་ཞེས་ང་ཟེར་ཏེ། འདོད་ཆེན་པ་དེ་དག་མ་གཏོགས་པར་སྦྱིན་པ་ཐམས་ཅད་དུ་བསྔགས་སོ།།
241b3 གསོལ་པ། དེ་ལ་ཚུལ་ཁྲིམས་འཆལ་པ་ཞེས་བགྱི་བ་གང་དག་ལགས། བཀའ་སྩལ་པ། ཕམ་པ་བཞི་བྱེད་བྱེད་པ་རྣམས་དང་། མཚམས་མེད་པ་ལྔ་བྱེད་བྱེད་པ་རྣམས་དང་། མདོ་སྡེ་སྤོང་བར་བྱེད་པ་དེ་དག
241b4 ཉིད་དོ། ། གསོལ་པ། བཅོམ་ལྡན་འདས་ཅི་ལགས། དེ་དག་རྟག་ཏུ་ཚུལ་ཁྲིམས་འཆལ་བ་ཁོ་ན་ལགས་སམ། བཀའ་སྩལ་པ། འདི་ལ་རྒྱུ་ཡོད་དེ། དེས་ན་ཡེ་རྟག་པའང་ཡོད་དོ།། ཡེ་མི་རྟག་པའང་ཡོད་དེ།
241b5 གང་དག་གོས་ཚོན་ཅན་གྱི་རྟགས་ཅན་རྣམས་དང་ལྷན་ཅིག་ཏུ་མི་གནས་ཤིང་། ཀྱེ་མ་བདག་ཅག་ནི་ཕམ་པ་བྱུང་བ་ཡིན་ཏེ། བདག་ཅག་གིས་ཉེས་པ་བྱས་སོ་སྙམ་ནས་འཇིགས་པར་ལྟ་ལ། དེ་དག་དམ་པའི་ཆོས་དབྱུང
241b6 བར་བྱའོ་སྙམ་ནས་ཉམས་སུ་ལེན་པར་བྱེད་ཅིང་། དམ་པའི་ཆོས་ཀྱི་ཕྱོགས་འཛིན་པ་རྣམས་ཀྱི་བསྔགས་པ་བརྗོད་པར་བྱའོ།། ཆོས་མ་ཡིན་པའི་ཕྱོགས་རྣམས་ནི་ཚར་གཅད་པར་བྱའོ།། མཚུངས་པ་མེད་པའི་མད
241b7 སྡེ་རྣམས་ནི་གདོན་པར་བྱའོ་སྙམ་དུ་བརྩོན་པར་བྱེད་པ་གང་ཡིན་པ་དེ་དག་ནི་ཚུལ་ཁྲིམས་འཆལ་པ་ཡིན་ནོ་ཞེས་ང་མི་ཟེར་རོ། ། ཅིའི་ཕྱིར་ཞེ་ན། རིགས་ཀྱི་བུ་དཔེར་ན་ཉི་མ་ཤར་ན་ལྷོ་བུར་གྱི་རྡུབ་སངས་པར་འགྱུར་བ་དེ
iiif viewer powered by OpenSeadragon
