| e-texts navigator |
| Wylie |
241a1 པའི་སླད་དུ་སྣང་བ་མཛད་པའི་རིགས། བཅོམ་ལྡན་འདས་ཅི་ལགས། མདོ་སྡེ་ཐམས་ཅད་ལྷག་མ་མཆིས་པའི་དོན་ལགས་སམ། འོན་ཏེ་ལྷག་མ་མ་མཆིས་པའི་དོན་ལགས། བཀའ་སྩལ་པ།
241a2 ལྷག་མ་ཡོད་པའི་དོན་ཀྱང་ཡིན། ལྷག་མ་མེད་པའི་དོན་ཀྱང་ཡིན་ནོ།། གསོལ་པ། སྦྱིན་པ་ཀུན་ཏུ་བསྔགས་པ་ཡིན།། སྦྱིན་པ་གང་དུའང་སྨད་མེད།། ཅེས་བགྱི་བ་འདིར་ལྷག་མ་མཆིས་པའི་དོན་དུ་ཇི་ལྟར་བཤད་ལག།།
241a3 ཚོཚིགས་སུ་བཅད་པའི་དོན་ནི་གང་ལགས། ཚུལ་ཁྲིམས་ལྡན་པ་དང་། ཚུལ་ཁྲིམས་འཆལ་པའི་བྱེ་བྲག་ནི་ཅི་མཆིས། བཀའ་སྩལ་པ། གཅིག་མ་གཏོགས་པར་སྦྱིན་པ་ནི་ཐམས་ཅད་དུ་བསྔགས་སོ།། གསོལ
241a4 པམ་གཏོགས་པ་གང་ལགས། བཀའ་སྩལ་པ། མདོ་སྡེ་འདི་ལས་ཚུལ་ཁྲིམས་འཆལ་པར་བརྩི་བ་གང་ཡིན་པའོ།། གསོལ་པ། བཅོམ་ལྡན་འདས། བཅོམ་ལྡན་འདས་ལ་དེང་བདག་འདི་ཁོ་ན
241a5 ཞུ་ལགས་ན་མྱུར་དུ་བཀའ་སྩལ་དུ་གསོལ། བཀའ་སྩལ་པ། འདོད་ཆེན་པ་མ་གཏོགས་པར་སྦྱིན་པ་ནི་ཐམས་ཅད་དུ་བསྔགས་པ་ཡིན་ནོ།། གསོལ་པ། འདོད་ཆེན་པ་ཇི་ལྟ་བུ་ལགས། བཀའ་སྩལ་པ།
241a6 དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མའང་རུང་སྟེ། ཚིག་ངན་པས་མདོ་སྡེ་སྤངས་ནས་ཕྱིས་བཟོད་པར་གསོལ་བར་ཡང་མི་བྱེད་པ་དེ་ལྟ་བུ་གང་ཡིན་པ་དེ་ནི་འདོད་ཆེན་པའི
241a7 ལམ་དུ་ཞུགས་པ་ཡིན་ནོ། ། ཕམ་པ་བཞི་བྱུང་བ་རྣམས་དང་། མཚམས་མེད་པ་ལྔ་བྱེད་བྱེད་པ་གང་ཡིན་པ་དེ་དག་ནི་བདག་ཅག་འཇིགས་པའི་གནས་ས་སགས་སོསམ་ཤེས་ཀྱང་འཇིགས་པར
iiif viewer powered by OpenSeadragon
