| e-texts navigator |
| Wylie |
240b1 བུ་ཙུན་ད་ལ་བཀའ་སྩལ་པ། ཙུན་ད་ཁྱོད་ཀྱིས་ངོ་མཚར་རྨད་དུ་བྱུང་བ་ཅི་མཐོང་། གསོལ་པ། བཅོམ་ལྡན་འདས་སྔར་ནི་དེ་བཞིན་གཤེགས་པ་མཚན་གྱི་མཆོག་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད།
240b2 ཅུ་མངའ་བ་དུ་མ་མཐོང་བ་ལས། ད་ནི་རང་རང་གི་བསྒྱུར་ནས་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་པོ་ལུས་ཆེན་པོ་དག་ཏུ་སྣང་ལགས་སོ།། དེ་བཞིན་གཤེགས་པས་དུག་སྨན་གྱི་སྡོང་པོ
240b3 ལྟ་བུའི་སྐུ་གཅོག་པུར་གྱུར་ཏེ་བྱང་ཆུབ་སེམས་དཔའ་རྣམས་ཀྱིས་བསྐོར་བར་གདའ་ལགས་སོ། ། བཀའ་སྩལ་པ། སངས་རྒྱས་སྔ་མ་གང་ཡིན་པ་དེ་དག་ནི་སེམས་ཅན་ཐམས་ཅད་ལ་ཕན་པ་དང་། བདེ་བ་དང་།
240b4 ཡིད་དགའ་བར་བྱ་བ་དང་། བསོད་ནམས་མི་ཟད་པར་བྱ་བའི་ཕྱིར་སྤྲུལ་པ་ཡིན་ཏེ། སྒྱུ་འཕྲུལ་འདི་ནི་བྱང་ཆུབ་སེམས་དཔའ་རྣམས་མ་གཏོགས་པར་སེམས་ཅན་རྣམས་ཀྱིས་མི་ཤེས་སོ།། དེ་ལྟར་ན་བྱང་ཆུབ
240b5 སེམས་དཔའི་སྤྱོད་པ་ནི་དཔག་ཏུ་མེད་དོ། ། དེ་ལྟར་ན་བྱང་ཆུབ་སེམས་དཔའ་ཆེན་པོ་རྣམས་ནི་དཔག་ཏུ་མེད་དོ།། བྱང་ཆུབ་སེམས་དཔའ་མི་མཆོག་རྣམས་ལ་ནི་སངས་རྒྱས་ཀྱིས་རྣམ་པར་འཕྲུལ་པའི་མཐུ་ཡོད་དོ།།
240b6 མགར་བའི་བུ་ཙུན་དའང་བྱང་ཆུབ་སེམས་དཔའ་སེམས་དཔའ་ཆེན་པོ་ས་བཅུ་ཐོབ་པ་ཡིན་ཏེ། བྱང་ཆུབ་སེམས་དཔའ་རྣམས་ཀྱི་མཆོག་གི་མཐར་ཐུག་པ་ནི་དེ་ལྟ་བུ་ཡིན་ནོ།། འོད་སྲུངས་ཆེན་པོ་དང་རུས
240b7 གཅིག་པས་གསོལ་པ། བཅོམ་ལྡན་འདས་དེ་ནི་དེ་ལགས་ཏེ། བྱང་ཆུབ་སེམས་དཔའ་རྣམས་ཀྱི་ནང་ན་མི་མཆོག་ཙུན་ད་ལ་བདག་རྗེས་སུ་ཡི་རང་ལགས་སོ།། བཅོམ་ལྡན་འདས་ད་ནི་མདོ་སྡེ་རྣམས་བཤད
iiif viewer powered by OpenSeadragon
