| e-texts navigator |
| Wylie |
240a1 དཀྲོལ་ཏོ། ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུངས་ཆེན་པོ་དང་རུས་གཅིག་པ་ལ་བཀའ་སྩམ་པ། རིགས་ཀྱི་བུ་ཁྱོད་ཀྱིས་དེང་འདིར་ངོམ
240a2 རྨད་དུ་བྱུང་བ་ཅི་མཐོང་། གསོལ་པ། བཅོམ་ལྡན་འདས་བདག་གིས་སྔོན་ལན་འགའ་ཡང་མ་མཐོང་བའི་ངོ་མཚར་རྨད་དུ་བྱུང་བ་མཐོང་སྟེ། འཁོར་རེ་རེས་ཕུལ་བའི་ཞལ་ཟས་དེ་བཞིན་གཤེགས་པ་རེ་རེ་དགེ
240a3 སློང་གི་དགེ་འདུན་དང་བཅས་པས་གསོལ་བ་མཐོང་ལགས་སོ། ། འཁོར་འདི་ནི་སྦྲང་བུའི་རྩེ་མོ་ཙམ་གྱི་ཁྱོན་དག་ལའང་ཇི་ལྟར་བཤམས་པའི་གདན་དག་དེ་བཞིན་གཤེགས་པ་སྐུ་ཆེན་པོ་དུ་མ་བདེ་བར་བཞུགས་ཏེ། རྗེས
240a4 སུ་ཡི་རང་བ་བཅུ་གསུམ་གྱི་ཚིགས་སུ་བཅད་པ་དག་སྟོན་ཅིང་བཞུགས་པ་མཐོང་ལགས་སོ། ། སེམས་ཅན་ཐམས་ཅད་ཀྱིས་ནི་སྒྱུ་འཕྲུལ་འདི་མ་འཚལ་ཏེ། བཅོམ་ལྡན་འདས་ནི་བདག་གིས་ཕུལ་བའི་ཞལ་ཟས་གསོལ་ཞིང
240a5 བཞུགས་སོ་སྙམ་དུ་འཛིན་ལགས་སོ། ། མི་མཆོག་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་ལ་སོགས་པས་ནི། ཙུན་དས་དེ་ལྟར་འབྲས་སཱ་ལུ་ཡུལ་མག་དྷི་ན་ལི་ཏ་བརྒྱད་ལས་ཐལ
240a6 ཟས་སྦྱར་བའང་རྡུལ་ཙམ་ཡང་དགེ་སློང་གི་དགེ་འདུན་གྱིས་མི་གསོལ་བ་དང་། ། དེ་བཞིན་གཤེགས་པ་ཞལ་ཟས་མི་གསོལ་བའི་ཡ་མཚན་རྨད་དུ་བྱུང་བ་འདི་ཡང་དག་པར་འཚལ་ཏེ། འདི་ནི་ཐབས་ཙམ་དུ་མཛད
240a7 པར་བས་སོ་སྙམ་དུ་སེམས་ལགས་སོ། ། ཉན་ཐོས་ཀྱི་ཚོགས་རྣམས་ཀྱིས་ནི་ཀྱེ་མ་དེ་བཞིན་གཤེགས་པ་ནི་དཔག་ཏུ་མེད་པ་དང་། ག་པ་ལགས་སོ་སྙམ་དུ་མ་འཚལ་ལགས་སོ།། དེ་ནས་བཅོམ་ལྡན་འདས་ཀྱིས། མགར་བའི
iiif viewer powered by OpenSeadragon
