| e-texts navigator |
| Wylie |
238b1 མི་དང་། ལྷ་མ་ཡིན་དེ་དག་ངུ་ཞིང་ཆོ་ངེ་འདོན་པར་བྱེད་དེ། བདག་ཅག་གིས་སོ་སོ་ནས་ཕུལ་བའི་ཞལ་ཟས་གསོལ་ནས་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་འོ།། ཕྱིན་ཆད་བདག་ཅག་གིས་སུ་ལ་ཞལ
238b2 ཟས་དབུལ་བར་བྱ། བདག་ཅག་ནི་མགོན་དང་བྲལ་ཏེ་མགོན་མེད་པར་འགྱུར་རོ་ཞེས་འཛེར་ཏོ།། དེ་ནས་བཅོམ་ལྡན་འདས་ཀྱིས། འཁོར་དེ་དག་ཐམས་ཅད་ལ་ཚིགས་སུ་བཅད་པ་འདི་དག་གསུངས་སོ།།
238b3 ། འཕགས་པ་ཡོངས་སུ་མྱ་ངན་ལས་འདས་པ་ཐེག་པ་ཆེན་པོའི་མདོ་ལས་བམ་པོ་བཅུ་གསུམ་པ་སྟེ་ཐ་མའོ།། སངས་རྒྱས་ཆོས་ཉིད་འདི་ཡིན་གྱིས།། གདུང་ཞིང་ངུ་བར་མ་བྱེད
238b4 ཅིག་རང་ནི་མྱ་ངན་འདའ་བ་ན། ། བསྐལ་པ་བྱེ་བ་ཟད་པར་འགྱུར།། ང་ཡི་རྟག་བདེ་དམ་པ་ཡི།། མྱ་ངན་འདའ་བ་ང་ལས་ཉོན།། ང་ནི་ཁ་ཟས་མི་ཟ་སྟེ།། བྲུ་བ་ཚ་བ་ཡོང་གིས་མེད།། སེམས་ཅན་ཀུན་ལ་ཕན་བདེ
238b5 བའི་རྗེས་སུ་ཡི་རང་ངས་བཤད་ཀྱིས། ། ཐོས་ནས་ཡང་དག་རྫོགས་སངས་རྒྱས།། རྟག་པ་དེ་ཉིད་ཤེས་པར་གྱིས།། གང་ཚེ་འུག་པ་བྱ་རོག་རྣམས།། ཤིང་གཅིག་ལ་ནི་གནས་ནས་ཀྱང་།། སྤུན་དང་བུ་དང་འདྲ
238b6 བར་ནི། ། ཕན་ཚུན་རྟག་ཏུ་ཚིམ་པར་བྱེད།། དེ་ཚེ་སྒྲ་གཅན་ཟིན་བཞིན་དུ།། དེ་བཞིན་གཤེགས་པས་སེམས་ཅན་གཟིགས།། སེམས་ཅན་ཀུན་གྱི་མཆོག་གྱུར་པ།། གཏན་དུ་མྱ་ངན་འདའ་བས་གྲོངས།། གང
238b7 ཚེ་སྦྲུལ་དང་ནེའུ་ལེ་དག། ཤིང་གཅིག་དྲུང་དུ་གནས་ནས་ཀྱང་།། སྤུན་དང་བུ་དང་འདྲ་བར་ནི།། ཕན་ཚུན་རྟག་ཏུ་ཚིམ་པར་བྱེད།། དེ་ཚེ་སྐྲག་ཅན་ཟིན་བཞིན་དུ།། དེ་བཞིན་གཤེགས་པས་སེམས་ཅན་གཟིགས།
iiif viewer powered by OpenSeadragon
