| e-texts navigator |
| Wylie |
237b1 པོ་དག་ཁྱེར་ནས་གྲོང་ཁྱེར་གྱི་བར་ནས་བྱུང་སྟེ་བཅོམ་ལྡན་འདས་ག་ལ་བ་དེར་ཆས་སོ། ། དེ་ནས་ལྷའི་བུ་མཐུ་ཆེན་པོ་དང་ལྡན་པ་རྣམས་ཀྱིས་མགར་བའི་བུ་ཙུན་ད་ལ་བསྐོར་ནས་འདི་སྐད་ཅེས་སྨྲས་སོ།། ཙུན་པ་རེ་ཞིག་ཞལ
237b2 ཟས་མ་དབུལ་བར་དེ་བཞིན་གཤེགས་པ་ཐང་ཅིག་ཞོག་ཅིག་ཅེས་བྱས་སོ། ། དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་འོད་ཟེར་དག་བཀྱེ་སྟེ། འོད་ཟེར་དེ་དག་གིས་ལྷའི་བུ་རྣམས་ལ་ཕོག་ནས་ཙུན་ད་བཏང་ངོ་།།
237b3 དེ་ནས་ལྷ་ལ་སོགས་པ་དེར་འདུས་པ་གང་ཡིན་པ་དེ་དག་ཐམས་ཅད་ཀྱིས་བཅོམ་ལྡན་འདས་ལ་མཆོད་པ་ཆེན་པོ་བྱས་ཏེ། ཙུན་ད་དང་ལྷན་ཅིག་ཏུ་བཅོམ་ལྡན་འདས་ཀྱི་ཐད་དུ་དོང་ནས་འདི་སྐད་ཅེས་གསོལ་ཏོ།། དགེ་སློང
237b4 རྣམས་ཀྱི་གདུགས་ཚོད་ལ་བབ་ན་གནང་བར་མཛད་དུ་གསོལ། དེ་ནས་དགེ་སློང་རྣམས་ཀྱིས་གདུགས་ཚོད་ལ་བབ་པར་ཤེས་ནས་སྤྱོད་ལམ་བཟང་པོར་བྱས་ཏེ། ལྷུང་བཟེད་ལག་ཏུ་བླངས་ནས་སྡོད་དོ།། དེ་ནས་མགར་བའི
237b5 བུ་ཙུན་དས་སེང་གེའི་ཁྲི་སྣ་ཚོགས་ཚིག་ཏུ་བཟླས་ཏེའང་མི་ནུས་པ། འཇིག་རྟེན་གྱི་ཁམས་བདེ་བ་ཅན་གྱི་རྐྱེན་དུ་རུང་བ་ལྟ་བུ་དག་ཀྱང་བཤམས། ཞལ་ཟས་ཀྱང་སྟ་གོན་བྱས་ནས་བཅོམ་ལྡན་འདས་ལ་འདི་སྐད་ཅེས
237b6 གསོལ་ཏོ། ། དེ་བཞིན་གཤེགས་པ་བསྐལ་པ་འམ། བསྐལ་པ་ལས་ལྷག་པར་ཡང་ཡུན་རིང་དུ་བཞུགས་སུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཙུན་དགལ་ཏེ་ང་ཡུན་རིང་དུ་འདུག་པར་འདོད་ན
237b7 སྦྱིན་པའི་ཕ་རོལ་ཏུ་ཕྱིན་པ་ཐ་མའི་དུས་ལ་བབ་ཀྱི་མྱུར་དུ་ཕུལ་ཅིག། དེ་ནས་ལྷ་དང་། མི་ཐམས་ཅད་དང་། བྱང་ཆུབ་སེམས་དཔའ་རྣམས་ཀྱིས་འདི་སྐད་ཅེས་སྨྲས་སོ།། ཀྱེ་མཙུན་ད་སྤྱོད་དེ་བ་འདིས་ཕུལ་བའི་ཞལ་ཟས
iiif viewer powered by OpenSeadragon
