| e-texts navigator |
| Wylie |
235b1 འདུག་གོ། ། གསོལ་བ། བཅོམ་ལྡན་འདས་ཀྱི་ཀུ་ཤའི་གྲོང་ཁྱེར་འདི་ན་གནས་པའི་གདོལ་པ་འཇིག་རྟེན་གྱི་ཁམས་འདིར་སངས་རྒྱས་སྟོང་དང་ལྷན་ཅིག་ཏུ་དེ་དག་གི་ནང་དུ་དེ་བཞིན་གཤེགས་པ་གཅིག་པུར་འགྱུར་ཏེ། དེ
235b2 བཞིན་གཤེགས་པ་རབ་ཏུ་དགའ་བ་ཞེས་བྱ་བར་འགྱུར་ཏེ། སེམས་སྐྱེད་པ་གཅིག་ལོ་ནས་དུས་འདི་ཅོག་ན་མྱུར་དུ་སངས་རྒྱས་སུ་འགྱུར་ཞེས་སངས་རྒྱས་སུ་ལུང་བསྟན་པས་ལུང་བསྟན་ལགས་ན། ཅིའི་སླད་དུ། ཤཱ་རིའི་བུ་དང
235b3 མོའུ་འགལ་གྱི་བུ་གཉིས་ཆེས་མྱུར་དུ་སངས་རྒྱས་སུ་འགྱུར་བར་སངས་རྒྱས་སུ་ལུང་བསྟན་པས་ལུང་མ་བསྟན་ལགས། ། བཀའ་སྩལ་པ། ཉན་ཐོས་དང་། རང་སངྱས་དང་། བྱང་ཆུབ་སེམས་དཔའ་ཁ་ཅིག།
235b4 དམ་པའི་ཆོས་འབྱུང་བའི་ཕྱིར་ཡུན་རིང་པོར་སྨོན་ལམ་འདེབས་པའང་ཡོད། ཁ་ཅིག་ནི་མྱུར་བར་སྨོན་ལམ་འདེབས་པའང་ཡོད་དེ། ང་ནི་དེའི་སྨོན་ལམ་གྱི་དབང་གིས་ནི་ཆེས་མྱུར་བར་སངས་རྒྱས་ཀྱི་གནས་མཆོག་ཏུ་ལུང
235b5 སྟོན་པར་བྱེད་དོ། ། རིགས་ཀྱི་བུ་གཞན་ཡང་མཉན་པ་ཆེན་པོ་ལ་ལ་ཞིག་གདོལ་པའི་གྲོང་ཁྱེར་དུ་སོང་སྟེ། རིན་པོ་ཆེ་རིན་ཐང་མེད་པ་འཚོང་བ་ལས། གདོལ་པ་བྱེ་བྲག་མི་ཕྱེད་པ་དེ་དག་གིས་རིན་པོ་ཆེ་དེ་མཐོང་ན
235b6 འཕྱས་འདོགས་ཤིང་འཐིང་སླད་བྱེད་དེ། མཉན་པས་རིན་ཆེ་བ་ཡིན་ནོ་ཞེས་བྱས་ཀྱང་དེ་དག་གིས་བརྡ་མི་ཕྲད་ནས་འདི་ནི་ཤེལ་ཡིན་ནོ་ཞེས་དེ་སྐད་ཀྱང་ཟེར་རོ།། རིགས་ཀྱི་བུ་དེ་བཞིན་དུ་ངས་ཀྱང་ཉན་ཐོས་རྣམས་ལ་གལ་ཏེ།
235b7 སངས་རྒྱས་ཀྱི་གནས་སུ་མྱུར་དུ་སངས་རྒྱས་སུ་ལུང་བསྟན་པས་ལུང་བསྟན་དུ་ཟིན་ཀྱང་ནོར་བུ་དཀོན་པ་འཚོང་བའི་མཉན་པ་བཞིན་དུ་འགྱུར་རོ།། གདོལ་པ་རྣམས་ལྟ་བུ་ནི་མ་འོངས་པའི་དུས་ན་དགེ་སྦྱོང་བླུན་པོ་གཡེལ་བ།
iiif viewer powered by OpenSeadragon
