| e-texts navigator |
| Wylie |
234a1 གི་མདོག་ལྟར་འདུག་གོ་སྙམ་མོ། ། དེ་ནས་ཕྱིས་དེས་རྟོགས་ཏེ་སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པའི་རྒྱུ་ལས་གྱུར་པ་ཡིན་པར་བལྟ་བར་བྱའོ་སྙམ་མོ།། རིགས་ཀྱི་བུ་དེ་བཞིན་དུ་ཉན་ཐོས
234a2 དང་རང་སངས་རྒྱས་དང་། དེ་བཞིན་གཤེགས་པ་ཐམས་ཅད་ཀྱི་རང་བཞིན་ཡང་འོ་མ་དང་འདྲའོ།། དེ་ཅིའི་ཕྱིར་ཞེ་ན། དེ་དག་ནི་ཟག་པ་ཟད་པའི་ཕྱིར་རོ།། སེམས་ཅན་ཐམས་ཅད་ཀྱིས་ནི། ཉན་ཐོས་དང་། རང
234a3 སངས་རྒྱས་དང་། དེ་བཞིན་གཤེགས་པ་ཐམས་ཅད་ཀྱི་རང་བཞིན་ཐ་དད་པ་དང་དབྱིབས་ཐ་དད་པར་འཛིན་མོད་ཀྱི། དེ་དག་གིས་ཀྱང་ཁྱིམ་བཞིན་དུ་མཐར་གྱིས་ཤེས་པར་འགྱུར་རོ།། རིགས་ཀྱི་བུ་དཔེར་ན་གསེར
234a4 ལུཁུང་ངམ། ཟངས་ཀྱི་ལུང་ནས་རྡོ་དང་གསེག་མ་མེད་པའི་གསེར་གྱི་རང་བཞིན་རིན་ཐང་མེད་པ་འབྱུང་བ་དེ་བཞིན་དུ། ཉན་ཐོས་དང་། རང་སངས་རྒྱས་དང་། དེ་བཞིན་གཤེགས་པ་ཐམས་ཅད་ཀྱང་གསེར་དང་འདྲ
234a5 བར་རིན་ཐང་དང་རང་བཞིན་གཅིག་གོ། ། ཅིའི་ཕྱིར་ཞེ་ན། རྡོ་དང་གསེག་མ་ལྟ་བུའི་ཉོན་མོངས་པ་དང་བྲལ་བའི་ཕྱིར་ཏེ། དེ་བས་ན་སངས་རྒྱས་ཀྱི་ཡེ་ཤེས་འདི་ལ་ནི་དབྱེར་མེད་དོ།། སེམས་ཅན་ཐམས་ཅད་ལ་སངས་རྒྱས
234a6 ཀྱི་ཁམས་ཡོད་པའང་དེ་དང་འདྲ་སྟེ། ཁྱིམ་བདག་གི་འོ་མ་ཇི་ལྟ་བ་བཞིན་དུ་དེ་དག་གིས་ཀྱང་དེ་བཞིན་གཤེགས་པའི་སྙིང་པོའི་མདོ་སྡེ་ཐོས་ནས་ཉོན་མོངས་པའི་རྣམ་པ་ཟད་པར་བྱས་ཏེ། སངས་རྒྱས་ཀྱི་ཁམས
234a7 རྟོགས་པར་འགྱུར་རོ། ། གསོལ་པ། བཅོམ་ལྡན་འདས་ཅི་ལགས། སེམས་ཅན་ཐམས་ཅད་དང་དེ་བཞིན་གཤེགས་པ་རྣམས་ཐ་དད་པ་མ་མཆིས་ལགས་སམ། གལ་ཏེ་དེ་བཞིན་གཤེགས་པ་བསྟན་པ
iiif viewer powered by OpenSeadragon
