| e-texts navigator |
| Wylie |
233a1 པས་ནི་དེ་བཞིན་གཤེགས་པའི་སྙིང་པོ་ལ་བརྩོན་པར་བྱའོ། ། གསོལ་པ། བཅོམ་ལྡན་འདས་དེ་ནི་དེ་ལགས་སོ།། བཅོམ་ལྡན་འདས་དེ་ནི་དེ་ལགས་ཏེ། བདག་ཀྱང་དེང་དུ་དེ་བཞིན་གཤེགས
233a2 བའི་སྙིང་པོ་བསྒོམ་པའི་སླད་དུ་སྐྱེས་པའི་རང་བཞིན་ལ་ཞུགས་ལགས་སོ། ། མངོན་པར་ཕྱེ་ལགས་སོ།། བརྡ་མཇལ་བར་བགྱིས་ལགས་སོ།། བཀའ་སྩལ་པ།། རིགས་ཀྱི་བུ་ལེགས་སོ་ལེགས་སོ།། འཇོག་རྟེན་དང་མཐུན
233a3 བར་བྱེད་པས་ནི་དེ་ལྟར་བལྟ་བར་བྱའོ། ། གསོལ་པ། བཅོམ་ལྡན་འདས་འཇིག་རྟེན་དང་འཐུན་པ་མ་ལགས་སོ།། བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ།། དེ་ལྟར་བུང་བ་ཤིང་གི་མེ་ཏོག་ཟ་བ་བཞིན་དུ།
233a4 ཟབ་མོའི་ཆོས་ཀྱི་ཟས་བཟའ་བར་བྱའོ།། རིགས་ཀྱི་བུ་གཞན་ཡང་དཔེར་ན་སྦྲང་བུའི་གཅིན་ཉུང་ཆེས་པས་ས་ཆེན་པོ་ངོམས་པར་མི་འགྱུར་བ་དེ་བཞིན་དུ། སྦྲང་བུའི་གཅིན་དང་འདྲ་བར་མ་འོངས་པའི་དུས་ན་མ
233a5 སྡེ་ཆེན་པོ་འདི་འཇིག་རྟེན་དུ་ཆུང་ཤས་ཙམ་ཞིག་སྤྱོད་པར་འགྱུར་ཏེ། དམ་པའི་ཆོས་འཇིག་པའི་ཐ་མར་སྦྲང་བུའི་གཅིན་ས་ཆེན་པོ་ལ་སོང་བ་བཞིན་དུ་ཟད་པར་འགྱུར་རོ།། འདི་ནི་དམ་པའི་ཆོས་ནུབ་པའི་ལྟས་བདུན་པ་སྟེ། ལྟས
233a6 གཞན་ཡང་ཡོད་པར་མཁས་པས་ཤེས་པར་བྱའོ། ། རིགས་ཀྱི་བུ་གཞན་ཡང་དཔེར་ན་དབྱར་ཟད་པའི་མཇུག་དགུན་གྱི་ཟླ་བ་དང་པོ་ནི་སྟོན་ཞེས་བྱ་སྟེ། སྟོན་གྱི་དུས་ལ་བབ་པ་ན། མ་སྨིན་པ་སྨིན་པར་བྱེད་པའི་ཕྱིར
233a7 སྤྲིན་རྣམས་ཀྱིས་ཆར་ཕབ་ནས་མྱུར་བ་མྱུར་བར་འགྱེས་པར་བྱེད་པ་དེ་བཞིན་དུ། མདོ་ཆེན་པོ་འདིའང་སྟོན་གྱི་སྤྲིན་གྱིས་ཆར་ཕབ་ནས་མྱུར་དུ་འགྱེས་པ་བཞིན་དུ། ལྷོ་ཕྱོགས་སུ་སོང་ནས་ཡོངས་སུ་མྱ་ངན་ལས་འདས་པ་ཆེན་པོའི་དགོངས
iiif viewer powered by OpenSeadragon
