| e-texts navigator |
| Wylie |
230b1 ཚིག་ཡོད་ན། ངའི་བསྟན་པ་ལ་དགོངས་པའི་ཚིག་ག་ལ་ཞིག་མེད་དེ། མཁས་པ་དག་གིས་དེ་ལྟར་རིག་པར་བྱའོ།། ངའི་བསྟན་པ་ནི་འཇིག་རྟེན་ཐམས་ཅད་དང་མི་མཐུན་ནོ།། རིགས་ཀྱི་བུ་གཞན་ཡང་དཔེར་ན་ཤིང་པ
230b2 ལ་ཤ་དང་། མྱ་ངན་འཚང་དང་། དོང་ཀའི་ཤིང་རྣམས་ནི་ཆར་པ་དཀོན་པའི་ཚེ་མེ་ཏོག་ཀྱང་ངན་པར་འགྱུར། འབྲས་བུའང་ངན་པར་འགྱུར་རོ།། ཆུ་དང་ཐང་ལས་སྐྱེས་པའི་མེ་ཏོག་གཞན་རྣམས་ཁྲུན་ཐུང
230b3 བ་དང་། མདོག་ངན་པ་དང་། གཟི་བྱིན་ཆུང་པ་དང་། དྲི་ཆུང་བར་འགྱུར་ཏེ། དེ་ལྟར་ན་མ་འོངས་པའི་དུས་ན་མེ་ཏོག་དང་། སྨན་རྣམས་གཟི་བྱིན་དང་དྲི་ལ་སོགས་པ་ཉམས་པར་འགྱུར་རོ།། རིགས་ཀྱི་བུ་དེ
230b4 བཞིན་དུ་ང་འདས་པའི་འོག་ཏུ་མ་འོངས་པའི་དུས་ན་དུས་ངན་པ་འབྱུང་བའི་ཚེ་དམ་པའི་ཆོས་འཇིག་པ་ན། སེམས་ཅན་རྣམས་བསོད་ནམས་ཆུང་བའི་ཕྱིར་ཆར་པ་དཀོན་པའི་ཚེ་མེ་ཏོག་གཟི་བྱོན་མེད་པར་འགྱུར
230b5 བ་དེ་བཞིན་དུ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའི་དགོངས་པའི་ཚིགས་སུ་བཅད་པའི་དོན་འཇིག་རྟེན་དུ་བརྡ་སྤྲོད་པའི་ཚིགས་སུ་བཅད་པ་དང་། ཚིག་དང་ཚིག་སིལ་བུའི་ཕྱེད་ཙམ་སྤྱོད
230b6 པར་འགྱུར་རོ། ། དགེ་སློང་སྡིག་ཅན་རྣམས་ཀྱིས་ཀྱང་རང་ལ་མཐུ་མེད་པས་དགོངས་པའི་ཚིག་གསང་བའི་ཚོགས་སུ་བཅད་པ་བདུད་རྩིའི་ཚིག་རྣམས་བོར་ནས་གཞན་འདོན་པར་བྱེད་དེ། རྐུན་པོ་དག་གིས་ཕུབ་མ
230b7 ཁུང་དུ་ཁྱེར་ལ་ཆེ་བ་ལ་འོས་པའི་རིན་པོ་ཆེ་འདོར་བ་བཞིན་དུ། དགེ་སློང་གཡེལ་བ་རྣམས་ཀྱང་མདོ་འདིའི་ཚིགས་སུ་བཅད་པ་དགོངས་པའི་ཚིག་རྣམས་འདོར་བར་བྱེད་དོ།། ཀྱེ་མ་མ་འོངས་པའི་དུས་མཆོག་ཏུ
iiif viewer powered by OpenSeadragon
