| e-texts navigator |
| Wylie |
228a1 པ་ཆེན་པོའི་མདོ་ཆེན་པོ་སྟོན་པ་ཐོས་ན་སེམས་སྐྱེད་མི་དགོས་པ་འཛིན་པའི་སས་ཅན་རྣམས་ལའང་བྱང་ཆུབ་ཀྱི་རྒྱུར་འགྱུར་ཏེ། འདོད་ཆེན་པ་ནི་མ་གཏོགས་སོ།། རིགས་ཀྱི་བུ་དེ་ལྟར་ན་ཡོངས་སུ་མྱ
228a2 ངན་ལས་འདས་པ་ཆེན་པོའི་མདོ་ཆེན་པོ་འདི་ནི་དེ་ལྟར་བསམ་གྱིས་མི་ཁྱབ་སྟེ། སྨན་པ་ཆེན་པོ་བཞིན་དུ་སྨན་པ་རྣམས་ཀྱི་མཆོག་ཏུ་གྱུར་པ་ཡིན་ཏེ། མདོ་སྡེ་འདི་ནི་མདོ་སྡེའི་རྒྱལ་པོའི་མཆོག་ཡིན་ནོ།། རིགས་ཀྱི་བུ
228a3 གཞན་ཡང་གྲུ་ནི་སེམས་ཅན་ཐམས་ཅད་བསྒྲལ་བའི་ཕྱིར། ཕ་རོལ་གྱི་འགྲམ་ནས་ཚུ་རོལ་གྱི་འགྲམ་དུ་འོང་ཞིང་། ཚུ་རོལ་གྱི་འགྲམ་ནས་ཕ་རོལ་གྱི་འགྲམ་དུ་འགྲོ་བ་དེ་བཞིན་དུ། དེ་བཞིན་གཤེགས་པའང་ཡོངས་སུ་མྱ
228a4 ངན་ལས་འདས་པ་ཆེན་པོས་ཡོངས་སུ་མྱ་ངན་ལས་འདས་ནས། གྲུ་ཕ་རོལ་ཏུ་འགྲོ་བ་བཞིན་དུ་སེམས་ཅན་རྣམས་སྒྲོལ་དུ་གཤེགས་ཏེ། གང་དང་གང་ན་གདུལ་བར་བྱ་བ་རྣམས་ཡོད་པ་དེ་དང་དེར་རྫོགས་པའི་སངས
228a5 རྒྱས་སྟོན་པར་མཛད་དོ། ། དེ་བས་ན་ཇི་ལྟར་གྲུ་གང་དང་གང་དུ་སེམས་ཅན་བསྒྲལ་བར་འདོད་པ་དེ་དང་དེར་འགྲོ་བ་བཞིན་དུ་དེ་བཞིན་གཤེགས་པའང་དེ་དང་འདྲ་སྟེ། དེ་བས་ན་མཉན་པ་ཆེན་པོ་ཞེས་བྱའོ།། དེ་བས་ན་དེ
228a6 བཞིན་གཤེགས་པ་རྟག་པ་དང་བརྟན་པ་ཡིན་ནོ། ། གྲུ་ཡོད་ན་མཉན་པས་སྒྲོལ་བར་བྱེད་ལ། དེ་བཞིན་གཤེགས་པ་རྟག་པར་ཡོད་པ་དང་། ད་དུང་དུ་སེམས་ཅན་སྒྲོལ་ཞིང་སྐྱེ་བར་འགྱུར་རོ།། རིགས་ཀྱི་བུ་གཞན་ཡང་དེ་བར་ན་རྒྱུ
228a7 མཚོ་ཆེན་པོའི་ནང་དུ་གྲུ་བོ་ཆེ་འགྲོ་བ་རླུང་དང་ཕྲད་ན་དྲང་པོར་འགྲོ་ཞིང་། སྐད་ཅིག་ཙམ་གྱིས་དཔག་ཚད་དུ་མར་འགྲོ་ལ། གལ་ཏེ་རླུང་དང་མ་ཕྲད་ན་ནི་ལོ་དུ་མར་ཡང་མལ་གཅིག་ན་འདུག་པ་འམ་ཡང་ན་བུབ་པར་འགྱུར་བ་དེ་བཞིན
iiif viewer powered by OpenSeadragon
