| e-texts navigator |
| Wylie |
226b1 པོ་བཅུ་གཉིས་པ། རིགས་ཀྱི་བུ་དཔེར་ན་སྨན་པ་ཆེན་པོས་འབྱུང་པོས་ཟིན་པ་འམ། སྦྲུལ་གྱིས་ཟིན་པའི་དོན་དུ་སྨན་གྱི་རི་ལུ་འམ། སྨན་གནོད་སེལ་རྒྱང་གྲགས་མང་པོ་ཞིབ་ཏུ་བསྐུར་ཏེ་འདི་སྐད
226b2 དུསྨན་འདི་མྱུར་དུ་ཁྱེར་ལ་ཁྱེར་ནས་ཀྱང་དེའི་དཔྱད་གྱིས་ཤིག་དང་། དེ་ལྟར་བྱས་ན་དེའི་ལྷ་དང་། ཀླུ་དང་། གནོད་སྦྱིན་དང་། སྲིན་པོའི་གདོན་རྣམས་མེད་པར་འགྱུར་རོ།། དེ་སྟེ་མ་ཁྱེར་ན་བདག་ཉིད་འགྲོ་བར་བྱའོ།། དཔེར
226b3 ནམ་ཏོར་ཆུད་ཟོས་ན་མི་རུང་ངོ་ཞེས་ཟེར་ལ། དེ་ནས་སྨན་པ་འམ་སྨན་པའི་འཕྲིན་པ་དེ་ཐག་རིང་པོ་ཞིག་ནས་མཐོང་ནས། སྔགས་དེའི་གཟི་བྱིན་དང་མཐུས་གནོད་པ་ཐམས་ཅད་ཞི་བར་འགྱུར་ཏེ། དེའང་བདེ་བར
226b4 འགྱུར་བ་དེ་བཞིན་དུ། ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་མཐུ་ཆེ་བ་འདི་ཡི་གེར་བྲིས་པ་ཞིག་ག་ཞིག་གནས་ན་ཡོད་དོ་ཞེས་དགེ་སློང་ངམ། དགེ་སློང་མ་འམ། འདི་ལས་ཕྱི་རོལ་པ་གཞན་གྱིས
226b5 ཤེས་སམ། གཞན་གྱིས་ཐོས་ན་དེ་དག་གི་བྱང་ཆུབ་ཀྱི་རྒྱུར་འགྱུར་ལ། ཕམ་པ་བྱེད་པ་དང་། མཚམས་མེད་པའི་ལས་བྱེད་པའི་འབྱུང་པོ་དང་ཤ་ཟའི་གདོན་གྱིས་ཟིན་པ་ཇི་སྙེད་ཀྱིས་ཐོས་ཀྱང་རུང་སྟེ། དེ་དག་ཐམས
226b6 ཅད་སྨན་པ་ཆེན་པོ་མཐོང་བ་བཞིན་དུ་གདོན་དང་བྲལ་ཏེ་བྱང་ཆུབ་སེམ་དཔའ་ཆེན་པོར་འགྱུར་རོ། ། ཅིའི་ཕྱིར་ཞེ་ན། དེ་བཞིན་གཤེགས་པ་རྟག་པའི་མདོ་སྡེ་ཆེན་པོའི་མཐུའི་རྒྱུས་དེ་ལྟར་འགྱུར་ཏེ། དེ་ལྟ་ན་གང་དག
226b7 གིས་མདོ་སྡེ་ཆེན་པོ་གླེགས་པ་མ་ལ་བྲིས་པ་བཀླགས་སམ། ཐོས་སམ། དྲིས་ཀྱང་རུང་།། དེ་དག་ལྟ་བྱང་ཆུབ་སེམས་དཔའ་སེམས་དཔའ་ཆེན་པོར་ཅི་སྟེ་མི་འགྱུར། འདོད་ཆེན་པོ་ནི་མ་གཏོགས་སོ།། དཔེར
iiif viewer powered by OpenSeadragon
