| e-texts navigator |
| Wylie |
225a1 པར་བྱེད་ཅིང་། འདི་ལྟར་བདག་མའི་མངལ་ན་འདུག་པའི་ཚེ། སྨན་པ་འདིས་སྔགས་དང་སྨན་གནོད་སེལ་གྱི་མཐུས་བདག་གིས་མ་བདེ་བར་བྱས་ན་སྲོག་འད་ནི་ཁྱོད་ཀྱི་དྲིན་ནོ།། ཀྱེ་མ་བདག་གི
225a2 མ་གང་གིས་བདག་ཟླ་བ་བཅུ་གཉིས་ཀྱི་བར་དུ་མངལ་ན་འཆང་ཞིང་ཤིན་ཏུ་ཉོན་མོངས་པར་གྱུར་ནས། དེའི་འོག་ཏུ་དེས་བདག་ཤིན་ཏུ་ཚེགས་ཆེན་པོས་བཙས་པ་དང་། བདག་མངལ་གྱི་དྲི་མ་ལྡན་ལྗིན་དང་ཁྲག་གྲི་གཡོགས
225a3 པ་བཀྲུས་པ་དང་། བདག་གི་མཆུ་ལ་ཆུ་ནལ་ནལ་པོས་གཤེར་བར་འདུག་པ་ལ་འོ་བྱས་པ་དང་། ཐབས་ཅི་ཡོད་པས་གསོས་པ་ནི་མཆོག་ཏུ་དཀའ་བ་བྱེད་བྱེད་པ་ཡིན་ཏེ། ད་ནི་ཁྱོད་ཀྱི་བཀའ་དྲིན་ལ་བདག་སྐྱེས
225a4 པས་བླ་མའི་མཆོད་པ་བྱ་དགོས་ཏེ་དེ་དང་འཚམ་པར་བྱའོ་ཞེས་ཟེར་བ་དེ་བཞིན་དུ། ཕམ་པ་བྱེད་བྱེད་པ་རྣམས་དང་། མཚམས་མེད་པ་བྱེད་བྱེད་པ་རྣམས་འཆི་བའི་ཚེ་དྲན་པ་མ་བརྗེད་པའི་འབྲས་བུས་ལྷའི
225a5 འཇིག་རྟེན་དུ་སྐྱེ་བར་འགྱུར་ཏེ། དེ་ནས་ལམ་པ་བྱེད་བྱེད་པ་དང་། མཚམས་མེད་པ་བྱེད་བྱེད་པའང་དྲན་པ་མ་བརྗེད་པའི་འབྲས་བུས་སེམས་ཅན་དམྱལ་བ་འམ་མིའི་འཇིག་རྟེན་དུ་བྱང་ཆུབ་ཀྱི་རྒྱུར་འགྱུར་ཏེ། འདོད་ཆེན་པ་ནི།
225a6 མ་གཏོགས་སོ།། དཔེར་ན་སྨན་པའི་མི་སྨན་པའི་བུ་རྒྱུད་ཕྱི་མ་ཤེས་པས་སྦྲུལ་གདུག་པ་དང་། མིག་གདུག་པ་དང་། ཀླུ་བྱ་གག་ཅེས་བྱ་བ་ལ་སོགས་པ་སྨན་གནོད་སེལ་དང་རིག་སྔགས་ཀྱི་མཐུས་རང་གི་ལྷམ་ལ
225a7 དབང་བྱ་བ་བཞིན་དུ་བཏུལ་ནས་དུག་མེད་པར་བྱེད་དེ། ཀླུ་ཤིན་ཏུ་དྲག་པོ་ནི་མ་གཏོགས་སོ།། དེ་བཞིན་དུ་མདོ་སྡེ་ཆེན་པོ་སྨན་གནོད་སེལ་དང་འདྲ་བ་འདིས་ཀྱང་ཕམ་པ་བྱེད་པ་རྣམས་དང་། མཚམས་མེད་པའི
iiif viewer powered by OpenSeadragon
