| e-texts navigator |
| Wylie |
224a1 ཡན་ལག་བརྒྱད་ཀྱི་རྒྱུད་ཕྱི་མ་ཤེས་པ་ནི། སེམས་ཅན་ཐམས་ཅད་ཀྱི་ནད་གསོ་བར་བྱེད་མོད་ཀྱི། དེས་ཀྱང་འཆི་བའི་དུས་ལ་བབ་པའི་ནད་གསོ་མི་ནུས་པ་དེ་བཞིན་དུ། ཡོངས་སུ་མྱ་ང
224a2 ལས་འདས་པ་ཆེན་པོའི་མདོ་ཆེན་པོ་འདིའང་སེམས་ཅན་ཐམས་ཅད་ཀྱི་ཉོན་མོངས་པའི་ནད་ཐམས་ཅད་བསལ་ནས་སེམས་ཅན་རྣམས་བྱང་ཆུབ་ཀྱི་རྒྱུ་ལ་འགོད་པར་བྱེད་མོད་ཀྱི། འཆི་བའི་དུས་ལ་བབ་པ་ལྟ་བུའི
224a3 འདོད་ཆེན་པ་ནི་མ་གཏོགས་སོ། ། དཔེར་ན་མི་དམུས་ལོང་གིས་ཉི་ཟླའི་འོད་ཀྱང་མི་ཤེས་ན། གསལ་བར་ལྟ་ག་ལ་མཐོང་སྟེ། སྨན་པ་ཆེན་པོས་ཀྱང་མིག་རྟུལ་བ་རྣམས་ཀྱི་མིག་བཅོས་ནས་མཐོང་བ་བྱེད་པར་ཟད་དེ།
224a4 དམུས་ལོང་ནི་མ་གཏོགས་སོ།། དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའང་། ལོང་བ་ལྟ་བུའི་ཉན་ཐོས་དང་རང་སངས་རྒྱས་ཐམས་ཅད་ཀྱི་མིག་བཅོས་ནས་མྱུར་བ་ཁོ་ནར་ཐེག་པ་ཆེན་པོའི་མིག
224a5 མཐོང་བར་བྱེད་ལ། ཕམ་པ་བྱེད་པ་རྣམས་དང་། མཚམས་མེད་པ་སེམས་སྐྱེད་མི་དགོས་པར་འཛིན་པ་རྣམས་ཀྱང་བྱང་ཆུབ་ལ་འགོད་པར་བྱེད་མོད་ཀྱི། ཤིན་ཏུ་དམུས་ལོང་དུ་འདུག་པ་འདོད་ཆེན་པ་ནི་མ
224a6 གཏོགས་སོ། ། རིགས་ཀྱི་བུ་དཔེར་ན་སྨན་པ་ཆེན་པོ་ཆེའི་རིག་བྱེད་ཡན་ཡག་བརྒྱད་ཀྱི་རྒྱུད་ཕྱི་མ་ཤེས་པ་ནི་སྨན་སྣར་བླུགས་པ་དང་། ཁོང་དུ་བཏུང་བ་དང་། ལུས་བསྒྲུབ་དང་། དུད་པས་བསག་པ་ལས་རྣམས
224a7 ཀྱིས་སེམས་ཅན་ཐམས་ཅད་ཀྱི་ནད་སེལ་བར་བྱེད་དེ། མགོན་མེད་པ་རྣམས་དང་བདག་ཅག་ལ་སྨན་མི་དགོས་སོ་སྙམ་སྟེ་སེམས་མི་སྐྱེད་པ་རྣམས་ཀྱང་། ཁྱིམ་བདག་གི་ནང་ངམ། རྩཝ་དག་གི་ཁྲོད་དུ་བཞག་སྟེ།
iiif viewer powered by OpenSeadragon
