| e-texts navigator |
| Wylie |
223b1 གོང་དདཔེར་ན་དར་གྱི་སྲིན་བུ་རང་ཉིད་ཀྱི་ཀུན་ནས་དཀྲིས་ཏེ་སྒོ་མ་བཏོད་པར་ཕྱིར་འབྱུང་མི་ནུས་པ་དེ་བཞིན་དུ། དེ་བཞིན་གཤེགས་པའི་སྙིང་པོའང་དེའི་ལས་ཀྱི་ཉེས་པས་འདོད་ཆེན་པའི་ལོང་ནས་དབྱུང་བར་མི་ནུས་སོ།། དེ་བས
223b2 ན་འཁོར་བའི་མཐའ་ལས་བྱང་ཆུབ་ཀྱི་རྒྱུ་མི་འཐོབ་བོ། ། དེ་བས་ན་རིགས་ཀྱི་བུ་དཔེར་ན་པདྨ་དང་། ཨུཏྤ་ལ་དང་། ཀུ་མུ་ད་དང་། པདྨ་དཀར་པོ་རྣམས་འདམ་གྱི་ནང་ནས་སྐྱེས་ནས་ཀྱང་འདམ་གྱིས་མི་གོས་པ་དེ་བཞིན་དུ
223b3 མདོ་སྡེ་ཆེན་པོ་ལའང་ཐེག་པ་ཆེན་པོ་པ་རྣམས་ཉོན་མོངས་པ་དང་བཅས་པ་ཡིན་དུ་ཟིན་ཀྱང་ཉོན་མོངས་པ་མེད་པའི་གྲངས་སུ་གཏོགས་སོ། ། ཅིའི་ཕྱིར་མི་གོས་ཤེ་ན། དེ་བཞིན་གཤེགས་པའི་སྙིང་པོའི་བྱིན་གྱི་རླབས
223b4 ཀྱིས་མི་གོས་སོ། ། དཔེར་ན་བསེར་བུ་བསིལ་བ་ལངས་པའི་ཚེ། དབང་མེད་པར་སེམས་ཅན་ཐམས་ཅད་ཀྱི་སྤུ་དྲུང་ཐམས་ཅད་དུ་ཞུགས་ནས་ཚ་བ་ཐམས་ཅད་ཞི་བར་བྱེད་པ་དེ་བཞིན་དུ། མདོ་ཆེན་པོ་འདིའང་སེམས་ཅན་ཐམ།
223b5 ཅད་ཀྱི་སྤུ་དྲུང་ཐམས་ཅད་ཞུགས་ནས། དབང་མེད་པར་བྱང་ཆུབ་ཀྱི་རྒྱུ་ལ་འཇོག་པར་བྱེད་དེ། འདོད་ཆེན་པ་སེམས་བསྐྱེད་པ་དགོས་པར་མི་འཛིན་པ་ནི་མ་གཏོགས་སོ།། རིགས་ཀྱི་བུ་དཔེར་ན་སྨན་པ་ཚེའི་རིག་བྱེད་ཡན་ལག
223b6 བརྒྱད་པ་མཁས་པ་ནི་ནད་པ་ཐམས་ཅད་གསོ་བར་བྱེད་མོད་ཀྱི། གསོར་མི་རུང་བ་ནི་གསོ་བར་མི་ནུས་པ་དེ་བཞིན་དུ། མདོ་སྡེ་དང་ཏིང་ངེ་འཛིན་ཐམས་ཅད་ཀྱང་འདོད་ཆགས་དང་། ཞེ་སྡང་དང་། གཏི་མུག་གི་ནད་ཀྱིས
223b7 ཐེབས་པ་ཐམས་ཅད་གསོ་བར་བྱེད་ལ། ཉོན་མོངས་པའི་ཟུག་རྔུ་ཐམས་ཅད་ཀྱང་སེལ་བར་བྱེད་མོད་ཀྱི།། ཕམ་པ་བྱེད་པ་རྣམས་དང་མཚམས་མེད་པ་བྱེད་པ་རྣམས་ནི་གསོ་པར་མི་ནུས་སོ།། དཔེར་ན་སྨན་པ་ཚེའི་རིག་བྱེད
iiif viewer powered by OpenSeadragon
