| e-texts navigator |
| Wylie |
222a1 དེ་བས་ན་མདོ་སྡེ་སྤོང་བ་ནི་འཇིགས་སུ་རུང་བ་ཡིན་ཏེ་དེས་འཇིགས་པར་གྱིས་ཤིག། དེ་ཡི་ཕྱིར་ན་མཁས་པ་བརྟན་པོ་རྣམས།། ལམ་པོ་ཆེ་ན་འདུ་བྱེད་ཡོད་པས་འཇིགས།། བྱིས་པ་རྣམས་ནི
222a2 ལམ་ཆེན་འཇིགས་པ་མེད། ། ང་རྒྱལ་དབང་གིས་མི་བཟད་འགྲོ་བར་འགྱུར།། ངེདེས་ན་བློ་ངན་རྣམས་ཀྱིས་དེ་མི་འཐོབ།། སྤྲེའུ་རྣམས་ཟླ་བ་རྙེབ་པར་བྱེད་པ་བཞིན།། མི་ཡི་དབང་པོ་ལམ་ཆེན་ཞུགས
222a3 པ་ལྟར། ། མཁས་པ་བརྟན་པོ་རྣམས་ཀྱིས་ཐོབ་པར་འགྱུར།། གང་གིས་བྱས་པ་མི་མཐོང་ཞེ་ན། འདོད་ཆེན་པ་སྡིག་ཅན་གྱིས་བྱས་པ་མི་མཐོང་སྟེ།། དེས་འཁོར་བའི་མཐའི་བར་གྱི་བྱས་པ་མི་མཐོང་ངོ་།།
222a4 ངས་དེའི་དོན་མདོར་བསྡུས་ཏེ་བསྟན་གྱིས། མཆོག་ཏུ་འཇིགས་སུ་རུང་བས་འཇིགས་པར་གྱིས་ཤིག། གང་གི་ཚེ་སེམས་ཅན་ཐམས་ཅད་སེམས་རྩེ་གཅིག་ཏུ་མཐུན་པར་གྱུར་ཏེ་བླ་ན་མེད་པ་ཡང་དག་པར་རྫོགས
222a5 པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་སྲིད་ན། ། དེའི་ཚེ་འདོད་ཆེན་པ་སྡིག་ཅན་བྱང་ཆུབ་མཆོག་ཏུ་མངོན་པར་རྫོགས་པར་འཚང་རྒྱ་ཡང་སྲིད་པ་ཞིག་ན། དེ་ནི་བྱིས་པ་མི་མཐོང་བ་ཡིན་ཏེ། དཔའ་བོ
222a6 ཁྱོད་ཀྱིས་དེ་ལྟར་ཤེས་པར་གྱིས་ཤིག། སུའི་བྱས་པ་ཆུད་མི་ཟ་ཞེ་ན། དེ་བཞིན་གཤེགས་པའི་བྱས་པ་ཆུད་མི་ཟའོ།། གང་གི་ཚེ་འཁོར་བ་ན་གནས་པའི་སེམས་ཅན་ཐམས་ཅད་བླ་ན་མེད་པ་ཡང་དག་པར
222a7 རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དེའི་ཚེ། དེ་བཞིན་གཤེགས་པའི་བྱས་པ་ཆུད་ཟ་བར་འགྱུར་ཏེ། དེའི་ཚེ་གཏན་དུ་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན
iiif viewer powered by OpenSeadragon
