| e-texts navigator |
| Wylie |
221a1 མིང་ཙམ་ཐོས་པའང་མདོ་སྡེ་འདི་ནི་ཡོད་དོ་སྙམ་དུ་ཤེས་ན་སྡིག་པའི་ནད་ཐམས་ཅད་འབྱུང་བར་འགྱུར་རོ། ། གསོར་མི་རུང་བའི་ནད་ཨ་ན་ཀ་ལ་ཞེས་བྱ་བ་དེ། ཇི་ལྟར་བྱས་ཀྱང་གསོར་མི་རུང་ངོ་།།
221a2 ཅིའི་ཕྱིར་ཞེ་ན། དེ་ནི་འཆི་བར་འགྱུར་བའི་ནད་ཡིན་པའི་ཕྱིར་ཏེ། རུས་མ་ཡིན་པར་འཆི་བའི་ནད་མ་ཡིན་ནོ།། དེ་བཞིན་དུ་འདོད་ཆེན་པའང་མདོ་སྡེ་འདིས་བྱང་ཆུབ་ཏུ་གཞོག་པར་མི་ནུས་ཏེ། དེ་ནི་རྒྱུ་མེད་པ་དང་ཤི་བ་ཡིན་པའི
221a3 ཕྱིར་རོ། ། དཔེར་ན་ལག་མཐིལ་རྨ་མེད་པ་ལ་དུག་གིས་མི་ཚུགས་ལ།། རྨ་ཡོད་པ་ལ་ནི་ཚུགས་པར་འགྱུར་བ་དེ་བཞིན་དུ། འདིར་ཡང་འདོད་ཆེན་པོཔ་ལ་བྱང་ཆུབ་ཀྱི་རྒྱུ་མི་སྐྱེའོ།། དེ་ལ་རྨ་ཞེས་བྱ་བ་ནི་བྱང་ཆུབ་ཀྱི་རྒྱུའོ།།
221a4 དུག་ཅེས་བྱ་བ་ནི་མཆོག་ཏུ་བདེ་བའོ།། ལག་མཐིལ་རྨ་མེད་པ་ལྟ་བུ་ནི་འདོད་ཆེན་པ་སྡིག་ཅན་ཡིན་ནོ།། དཔེར་ན་རྡོ་རྗེ་རིན་པོ་ཆེ་གཟི་བྱིན་ཆེན་པོ་ནི་ཅེས་ཀྱང་བཅག་མི་ནུས་ལ། སྣ་གྲངས་གཞན་ཐམས་ཅད་ནི་དེས་ཆོམས
221a5 པར་འགྱུར་མོད་ཀྱི། ལུག་རུ་ནི་མི་ཆོད་དོ།། དེ་བཞིན་དུ་ཡོངས་སུ་མྱ་ངན་པས་འདས་པའི་མདོ་ཆེན་པོ་འདིས་ཀྱང་ཤིན་ཏུ་སྡིག་པའི་ལས་བྱེད་པ་འདོད་ཆེན་པ་ནི་བྱང་ཆུབ་ཏུ་གཞག་པར་མི་ནུས་ཏེ། རྒྱུ་མེད་པའི་ཕྱིར་རྡོ་རྗེ་ལུག
221a6 རུལ་མི་ཚུགས་པ་བཞིན་ནོ། ། དཔེར་ན་ཤིང་སཱ་ལ་ཀི་དང་། དོང་ཀའི་ཤིང་དང་། ཀ་ན་ཀ་པྲ་བྷ་དང་། ཤིང་བལ་གྱི་ཤིང་དང་། བལ་མི་ཀི་དང་། ཀར་ན་བལ་ལ་དང་། སྐན་ད་སྟ་བ་དང་། ཀེཏ་ཀི་དང་། པད་ཏྲ་ཀ་དང
221a7 བི་ནར་དང་། རོ་ཅན་རྣམས་ནི་བཅད་དེ་དུམ་བུར་གཏུབས་ནས་ཁྱེར་ཏེ་ཁྱིམ་དུ་བཞག་ཀྱང་གལ་ཏེ་ཆུའི་རླན་དང་ཕྲབ་ཕན་ཆད་མྱུར་དུ་སྐྱེ་བར་འགྱུར་ཏེ། ལོ་མ་ལ་འབུ་བ་དང་། སྙོམ་དང་ལྡན་ཞིང་ཡལ་ག་དང་། སྡོང་བུ་དང་ལྡན
iiif viewer powered by OpenSeadragon
