| e-texts navigator |
| Wylie |
217a1 རིགས་ཀྱི་བུ་ཐེག་པ་ཆེན་པོ་འདི་ལས་དགོངས་པའི་ཚིག་དེ་བཞིན་གཤེགས་པའི་གསང་བའི་དམ་པའི་ཆོས་ཀྱི་ཆ་རངས་ཡང་དག་པར་བརྟན་པར་བྱ་སྟེ། མ་འོངས་པའི་དུས་ན་དམ་པའི་ཆོས་ཐེབ་པ་ཆེན
217a2 པོ་མདོའི་སྡེ་ཚན་གྱི་ཕན་པའི་གདམས་ངག་སྟོན་པ་གང་ཡིན་པ་དེ་དག་ནི་དབྱར་གྱི་ནམ་གྱི་སྤྲིན་དང་འདྲ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་པར་རིག་པར་བྱའོ།། ཉན་ཐོས་དང་རང་སངས་རྒྱས་རྣམས་ནི
217a3 དགོངས་པའི་ཚིག་ཐོས་ན་དགུན་གྱི་གྲང་ནད་ཀྱིས་ཐེབས་པ་དང་འདྲ་སྟེ། དེའི་ཕྱིར་ངས་སྐུ་ཚེ་ཐུང་བ་དང་ངེས་པར་མྱོང་བར་འགྱུར་བ་ཡང་དག་པར་བསྟན་ཏོ།། སངས་རྒྱས་ཀྱི་ཚེ་བསྟན་པ། སངས་རྒྱས་ཀྱི་གནས་རྒྱ་ཆེན
217a4 པོ་ལས་ནི་སོ་ས་ཀའི་ཉི་མ་བཞིན་དུ་ངས་རྟག་པ་དང་བརྟན་པར་བསྟན་ཏོ། ། ང་ནི་ཉི་མ་བཞིན་དུ་གང་དུའང་ལྟུང་བ་མེད་དོ།། ཉི་ཟླའི་ཆོས་ཉིད་ཀྱང་སྤྱོད་དོ།། དེ་ལྟར་ན་དེ་བཞིན་གཤེགས་པ་ནི་འཇིག་རྟེན་གསུམ་དུ་ཡང་དག་པར་སྣང
217a5 སྟེ་འདི་ནི་སངས་རྒྱས་རྣམས་ཀྱི་ཆོས་ཉིད་དོ། ། རིགས་ཀྱི་བུ་གཞན་ཡང་པ་ཝ་སངས་དང་། ལུར་བུ་དང་། མིག་དམར་དང་། མཇུག་རིངས་དང་། གཟའ་ལྷག་ལ་སོགས་པ་ཉི་མ་དང་། ཟླ་བ་གཉིས་དང་། ལྷན་ཅིག
217a6 འགྲོ་བ་ན་སེམས་ཅན་རྣམས་ཀྱིས་བལྟ་བར་མི་ནུས། དེ་དག་ཀྱང་ལྡོག་པར་ཡང་མི་འགྱུར། ལྟུང་བར་ཡང་མི་འགྱུར་ཏེ། དེ་དག་གི་ཆོས་ཆ་ཕྲ་ལ། ཉི་མ་དང་ཟླ་བའི་འོད་ཤིན་ཏུ་ཆེ་བས་ཟིལ་གྱིས་ནོན་པའི་ཕྱིར་རོ།། དེ་བཞིན
217a7 དུ་དེ་བཞིན་གཤེགས་པ་ནི་རྟག་ཏུ་ཉན་ཐོས་དང་རང་སངས་རྒྱས་ཀྱི་གཟའི་ཚོགས་རྣམས་དང་ལྷན་ཅིག་ཏུ་སྐྱེ་བ་ལྟ་བུར་ཡང་སྟོན་ལ། ཡོངས་སུ་མྱ་ངན་ལས་འདའ་བར་ཡང་སྟོན་མོད་ཀྱི། ཉན་ཐོས་དང་རང་སངས་རྒྱས་དེ
iiif viewer powered by OpenSeadragon
