| e-texts navigator |
| Wylie |
214a1 འགག་པའང་མེད་དེ། དེ་བཞིན་གཤེགས་པ་ནི་ཟླ་བ་ཉ་བ་བཞིན་དུ་དུས་ཐམས་ཅད་དུ་རྟག་པ་ཡིན་ནོ།། དེ་བས་ན་དེ་བཞིན་གཤེགས་པ་རྟག་པ་དང་བརྟན་པ་ཞེས་བྱའོ།།
214a2 དཔེར་ན་ཟླ་བ་ནི་ཐམས་ཅད་དུ་སྣང་སྟེ། ཆུ་དང་། དགོན་པ་དང་། ཁྱིམ་དང་། གྲོང་ཁྱེར་དང་། ཆུར་ཆུས་གང་བ་རྣམས་དང་། ཁྲོན་པ་དང་། གཞན་ཡང་དཔག་ཚད་སྟོང
214a3 སྲིད་དུའང་རུང་། སེམས་ཅན་རྣམས་གང་དུ་འགྲོ་བ་དེ་དག་ཐམས་ཅད་དུ་སྣང་སྟེ། དེར་བྱིས་པ་རྣམས་ཀྱི་ཡིད་ལ་ཟླ་བ་འདི་ནི་བདག་ཁོ་ནའི་ཕྱི་བཞིན་འབའ་ཞིག་ཏུ་འོང་ངོ་སྙམ་དུ་འཛིན་ཏོ།།
214a4 གང་གང་གི་ཚེ་ཁྱིམ་གྱི་ནང་དུ་མཐོང་བ་དེའི་ཚེ་ནི། ད་ནི་འདི་ན་སྣང་ན་དེ་ཟླ་བ་འདི་དེ་ཉིད་ཡིན་ནམ་འོན་ཏེ་གཞན་ཞིག་ཡིན་ཞིག་གུ་སྙམ་དུ་རྟོག་གོ།། དེ་ལ་བྱིས་པ་ཁ་ཅིག་གིས་ནི་ཟླ་བ་ཆུར
214a5 ཙམ་དུ་འཛིན་ཏོ། ། བར་མ་རྣམས་ཀྱིས་ནི་ཤིང་རྟའི་འཕང་ལོའི་ཚད་ཙམ་དུ་འཛིན་ཏོ།། རབ་རྣམས་ཀྱིས་ནི་ཟླ་བ་དཔག་ཚད་ལྔ་བཅུ་པ་ཙམ་ལ་ཟླུམ་པོ་ཡིན་པར་ཤེས་སོ།། དུད་འགྲོ
214a6 རྣམས་ཀྱིས་ནི་ཟླ་བ་སྲིན་བུ་མེ་ཁྱེར་ཙམ་དུ་མཐོང་སྟེ། སྐྱེ་གནས་ཐམས་ཅད་ལྡན་པའི་དུད་འགྲོ་རྣམས་ཀྱིས་ནི་ཟླ་བ་ལ་རང་རང་གི་རྣམ་པར་ཤེས་པས་བརྟགས་ནས་སོ་སོར་མཐོང་ངོ་།།
214a7 དེ་བཞིན་དུ་དེ་བཞིན་གཤེགས་པའང་འཇིག་རྟེན་དུ་བྱུང་ན་ཐམས་ཅད་དུ་སྣང་སྟེ། སེམས་ཅན་ཁ་ཅིག་གིས་ནི་དེ་བཞིན་གཤེགས་པ་ཟླ་བ་དང་འདྲ་བར་འཛིན་ཏེ། བདབ་ལ་ཐུགས་བརྩེ
iiif viewer powered by OpenSeadragon
