| e-texts navigator |
| Wylie |
213a1 པར་མི་འགྱུར་ཏེ། གླིང་གཞན་དུ་འཆང་བར་འགྱུར་ལ། དེར་ཡང་ཟླ་བ་སྐྱེས་པ་མེད་དོ།། སེམས་ཅན་རྣམས་ཀྱིས་ནི་ཟླ་བ་ཤར་ཏོ་སྙམ་དུ་འཛིན་ཏེ། ཟླ་བ་ནི་ལྷུང
213a2 བ་ལྟ་བུར་སྣང་ཡང་འཇིག་པར་མི་འགྱུར་ལ། འཆར་བ་ལྟ་བུར་སྣང་ཡང་སྐྱེ་བ་མེད་དེ། རིའི་རྒྱལ་པོ་རི་རབ་ཀྱིས་བསྒྲིབས་པས་མི་སྣང་བར་ཟད་ལ། ཟླ་བ་ནི་རང་བཞིན་གྱིས་སྐྱེས་ཟིན་པ་ཡིན
213a3 ཏེ། སྣང་བྱེད་རྣམས་ཀྱི་ཆོས་ཉིད་ནི་དེ་ཡིན་ནོ།། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམ
213a4 ནའཛམ་བུ་གླིང་ལ་ལར་ནི་ཕ་མ་ཕྲད་པ་ལས་སྐྱེས་པར་ཡང་སྣང་སྟེ། སེམས་ཅན་རྣམས་ཀྱིས་སྐྱེས་སོ་སྙམ་དུ་འཛིན་ལ། དེ་བཞིན་གཤེགས་པ་ལ་ནི་སྐྱེས་པ་མེད་དོ།། འཛམ
213a5 བུ་གླིང་ལ་ལར་ནི་ཡོངས་སུ་མྱ་ངན་ལས་འདའ་བ་ལྟ་བུར་སྣང་ལ། དེ་བཞིན་གཤེགས་པ་ལ་ནི་འཆི་བ་མེད་དོ།། སེམས་ཅན་རྣམས་ཀྱིས་ནི་ཤིའོ་སྙམ་དུ་འཛིན་ཏེ། དེ་བཞིན་གཤེགས
213a6 པམི་ལྟུང་བ་དང་། སྐྱེ་བ་ལྟ་བུར་སྣང་ཡང་མེད། འཚོ་བའང་མེད་དོ།། གདུལ་བར་བྱ་བའི་དབང་གིས་ནི་ཟླ་བ་བཞིན་དུའང་རྒྱུ་བར་མཛད་དོ།། ཟླ་བ་ནི་ཀློང་བཞི་ཁ་ཅིག་ཏུ་ཟླ་བ་ཉ་བ
213a7 ཡོངས་སུ་རྒྱས་པ་ལྟ་བུར་སྣང་སྟེ། སེམས་ཅན་རྣམས་ཀྱིས་ཟླ་བ་ཉའོ་སྙམ་དུ་འཛིན་ཏོ།། ཟླ་བ་ནི་གླིང་ཁ་ཅིག་ཏུ་ཡི་གེ་དང་འདྲ་བར་ཟླ་བ་ཚེས་པའང་སྣང་སྟེ། འཛམ་བུ་ཐོང་པ་རྣམས་ཀྱིས
iiif viewer powered by OpenSeadragon
