| e-texts navigator |
| Wylie |
212a1 བདག་གིས་མི་མཐོང་སྟེ། དེ་བས་ན་ངས་དགོངས་པའི་ཚིག་གིས་བདག་མེད་དོ་ཞེས་བསྟན་ཏོ།། ལྷའི་མིག་མེད་པའི་མི་རྣམས་ཀྱིས་ནི་བདག་ལ་བདག་ཡོད་དུ་ཟིན་ཀྱང་མི
212a2 མཐོང་སྟེ། ཉོན་མོངས་པ་ཡིན་ནོ་ཞེས་ང་ཟེར་རོ།། ཉོན་མོངས་པའི་རྣམ་པའི་འདུ་བྱེད་རྣམས་གང་ཡིན་པའི་ཆོས་དེ་བདག་ནི་མི་རྟག་པ་ཞེས་བྱའོ།། དེ་བས་ན་ཆོས་ཁ་ཅིག་ནི་མི་རྟག་པའོ།།
212a3 ཞེས་ངས་བསྟན་ཏོ།། རྒྱུ་དེས་ནི། ཤེས་རབ་ལྡན་པ་རི་ཀར་འདུག་པ་ཡིས།། བྱིས་པ་ས་ལ་འདུག་པ་ལེགས་པར་མཐོང་།། ཤེས་རབ་ཁང་བཟངས་སྟེང་ན་འདུག་པ་ཡིན།། མྱ་ངན
212a4 མེད་ཀྱང་སྐྱེ་དགུ་མྱ་ངན་མཐོང་། ། ཞེས་བྱ་བ་ལྟ་བུ་སྟེ། དེ་ལྟར་ཉོན་མོངས་པའི་རྣམ་པ་བཅད་ནས་ཤེས་རབ་ཅན་རི་ཀ་ན་གནས་པས་ཉོན་མོངས་པའི་རྣམ་པ་དང་འབྲེལ་བའི་བྱིས་པ་མཐོང།
212a5 བ་བཞིན་ནོ།། གསོལ་པ། ཤེས་རབ་ཡང་ཐོག་མཆིས་པ་གང་དག་ལགས།། མྱ་ངན་མ་མཆིས་གང་ལགས་འཇིག་རྟེན་ན།། མྱ་ངན་མ་མཆིས་མྱ་ངན་འདས་པ་ལ། མྱ་ངན་དག་ནི་ཇི་ལྟར
212a6 མཆིས་པར་འགྱུར། ། གལ་ཏེ་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ན་བྱིས་པ་རྣམས་ཀྱིས་ཇི་ལྟར་མཐོང་ལགས། ཤེས་རབ་ཀྱི་ཁང་བཟངས་ཀྱི་སྟེང་དུ་ཡང་ཇི་ལྟར
212a7 བཞུགས་ལགས། མི་རི་ཀ་ན་མཆིས་པས་ནི་མཐོང་དུ་རུང་སྟེ། འདི་ནི་མཆིས་ན་གདོད་རུང་བ་ལགས་ན་ཡོངས་སུ་མྱ་ངན་ལས་འདས་པས་ཇི་ལྟར་མཐོང་ལགས། བཀའ་སྩལ་པ།
iiif viewer powered by OpenSeadragon
