| e-texts navigator |
| Wylie |
211b1 རྣམས་ནི་འཆི་བར་མི་འགྱུར་རོ། ། བག་མེད་པ་དང་ལྡན་པ་རྣམས་ནི་རྟག་ཏུ་ཤི་བ་དང་འདྲའོ།། བག་མེད་པ་གང་ཡིན་པ་དེ་ནི་འདུ་བྱེད་ཡིན་ཏེ། དེ་ནི་མཆོག་ཏུ་སྡུག་བསྔལ་བའོ།།
211b2 ངན་ལས་འདས་པ་ནི་འཆི་བ་མེད་པའོ།། བག་མེད་པ་དང་ལྡན་པ་རྣམས་ནི་འདུ་བྱེད་དུ་གྱུར་པ་ཡིན་ཏེ། དེ་དག་ནི་མཆོག་ཏུ་སྡུག་བསྔལ་བའོ།། མྱ་ངན་ལས་འདས་པ་གང་ཡིན་པ་དེ་དག
211b3 ནི་འཆི་བ་མེད་པ་ཡིན་ནོ་ཞེས་ང་ཟེར་རོ། ། བག་ཡོད་པ་དང་ལྡན་པ་གང་ཡིན་པ་དེ་དག་ནི་འདུ་བྱེད་དུ་གྱུར་པ་མ་ཡིན་ཏེ། དེ་དག་ནི་འདུ་བྱེད་རྣམས་ལ་སྤྱོད་ཀྱང་རྒ་བ་མེད་པ་དང་། འཆི་བ་མེད
211b4 དང་ང་གཞིག་ཏུ་མེད་པ་ཞེས་ང་ཟེར་རོ། ། དེ་ལ་བག་མེད་པ་དང་ལྡན་པ་རྣམས་ནི་གང་ཡིན། བག་ཡོད་པ་དང་ལྡན་པ་རྣམས་ནི་གང་ཡིན་ཞེ་ན། འཇིག་རྟེན་པ་རྣམས་ནི་བག་མེད་པ་དང
211b5 ལྡན་པ་ཡིན་ཏེ་ཤི་བ་དང་འདྲའོ། ། འཇིག་རྟེན་ལས་འདས་པ་རྣམས་ནི། རྒ་བ་མེད་པ་དང་། འཆི་བ་མེད་པའོ།། བག་ཡོད་པ་དང་ལྡན་པ་རྣམས་ནི་མྱ་ངན་ལས་འདས་པ་མཆོག་ཏུ་བདེ་བ
211b6 ཐོབ་པའོ། ། དེ་བས་ན་ཆོས་ཁ་ཅིག་ནི་སྡུག་བསྔལ་ལ། ཆོས་ཁ་ཅིག་ནི་བདེ་བ་ཡིན་ནོ་ཞེས་ངས་བསྟན་ཏོ།། ཆོས་ཁ་ཅིག་ནི་བདག་མེད་ལ། ཆོས་ཁ་ཅིག་ནི་བདག་ཡོད་པ་ནི་དཔེར་ན
211b7 ས་ལ་འདུག་པའི་མི་ལྷའི་མིག་མེད་པས་ནམ་མཁའ་ལ་བྱ་འཕུར་བའི་རྗེས་མི་མཐོང་བ་དེ་བཞིན་དུ། ཉོན་མོངས་པ་ལ་གནས་པ་རྣམས་ཀྱིས་བདག་ཉིད་ལ་སྙིང་པོའི་མཆོག་ཡོད་པ
iiif viewer powered by OpenSeadragon
