| e-texts navigator |
| Wylie |
211a1 བྱ་བ་ཞད་ཟས་ལ་འགྲོ་བ་ལྟ་བུ་བསྟན་པར་བྱ་སྟེ། དཔེར་ན་བྱ་བཞད་རྣམས་དང་ཐལ་མོ་རྣམས་ནི་དབྱར་ཆུ་ཀླུང་རྣམས་ཀྱི་ཆུ་ཤིན་ཏུ་གྲུབ་པའི་ཚེ་རང་གི་སྒོ་ངའི་ཆོས་བྱ་བའི
211a2 ཕྱིར་ཐང་ཀ་ལས་གཞི་བརྟན་པོར་གནས་འཆའ་བར་བྱེད་ལ། སྤྱོད་ཡུལ་གང་ཡིན་པ་དེར་འདོང་བར་བྱེད་དེ། དེ་ནི་དེ་དག་གི་ཆོས་ཉིད་དོ།། དེ་བཞིན་དུ་དེ་བཞིན་གཤེགས་པ་དགྲ་བཅོམ
211a3 པ་ཡང་དག་པར་རྫོགས་པའི་སངས་རྒྱས་ཀྱང་སྐྱེས་ནས་སེམས་ཅན་བྱེ་བ་ཕྲག་མང་པོ་དམ་པའི་ཆོས་ལ་བཀོད་དེ། བཞད་དང་ཟལ་མོ་བཞིན་དུ་གདུལ་བར་བྱ་བ་ཇི་སྙེད་ཡོད་པ་དེ་དག་གི་དོན
211a4 རྣམས་བྱས་ཟིན་ནས། གདུལ་བར་བྱ་བ་གཞན་དག་ག་ལ་ཡོད་པ་དེར་སྣང་བར་འགྱུར་རོ།། དེ་ལྟར་ན་ཆོས་ཁ་ཅིག་ནི་སྡུག་བསྔལ་ལ། ཆོས་ཁ་ཅིག་ནི་བདེ་ཞེས་བྱ་སྟེ། འདུ་བྱེད
211a5 གང་ཡིན་པ་དེ་དག་ནི་སྡུག་བསྔལ་བ་དང་འཇིག་པ་ཡིན་ནོ། ། མྱ་ངན་ལས་འདས་པ་གང་ཡིན་པ་དེ་ནི་མཆོག་ཏུ་བདེ་བ་ཡིན་ཏེ། འདུ་བྱེད་སྤངས་པའི་ཕྱིར་བདེ་བ་དང་ལྡན་ནོ།། གསོལ་པ།
211a6 དེ་ཇི་ལྟ་བུ་ལགས། བཀའ་སྩལ་པ། ཇི་ལྟ་བ་བཞིན་ནོ།། གསོལ་པ། མྱ་ངན་ལས་འདས་པ་ཐོབ་པའི་སེམས་ཅན་རྣམས་ཇི་ལྟར་བདེ་བ་ལགས། བཀའ་སྩལ་པ། རིགས་ཀྱི
211a7 བུངས་བསྟན་པ་ལ། རྒ་བ་དང་འཆི་བ་ནི་འདུ་བྱེད་རྣམས་ལས་བྱུང་བའོ།། བག་ཡོད་པ་ནི་འཆི་བ་མེད་པའི་གནས་སོ།། བག་མེད་པ་ནི་འཆི་བའི་གནས་སོ།། བག་ཡོད་པ་དང་ལྡན་པ
iiif viewer powered by OpenSeadragon
