| e-texts navigator |
| Wylie |
210b1 པས་གྱུར་པ་ཡིན་ནོ། ། དེ་བས་ན་དེ་བཞིན་གཤེགས་པ་ནི་རྟག་གོ།། མི་རྟག་པ་ལ་ནི་མྱ་ངན་ཡོད་ན་དེ་བཞིན་གཤེགས་པ་ནི་མི་རྟག་པ་མ་ཡིན་པས་ན་མྱ་ངན་ཡོད་ཅེས་བྱ་བ་དང་། མེད་ཅེས་བྱ་བར
210b2 རྟོགས་པར་མི་ནུས་ཏེ། དེ་བཞིན་གཤེགས་པ་ནི་མྱ་ངན་དང་བྲལ་བ་ཡིན་ནོ།། དམའ་བས་ནི་དམའ་བཤེས་ཀྱི། དམའ་བས་འབྲིང་མི་ཤེས་སོ།། འབྲིང་གིས་ཀྱང་འབྲིང་ཤེས་ཀྱི་འབྲིང
210b3 གིས་རབ་མི་ཤེས་སོ། ། རབ་ཀྱིས་ནི་དམའ་བ་དང་། འབྲིང་དང་། རབ་རྣམས་ཤེས་སོ།། ཉན་ཐོས་དང་རང་སངས་རྒྱས་རྣམས་ཀྱིས་ནི་རང་གི་སའི་བདག་ཤེས་པར་ཟད་དོ།། སངས་རྒྱས
210b4 རྣམས་ཀྱིས་ནི་ཐམས་ཅད་ཐུགས་སུ་ཆུད་དེ། དེ་བས་ན་ཡང་དག་པར་རྫོགས་པའི་སངས་རྒྱས་རྣམས་ནི་ཡེ་ཤེས་སྒྲིབ་པ་མི་མངའ་བ་ཞེས་བྱའོ།། དེ་ལྟར་ན་ལྷ་ཡུལ་དང་སའི་སྟེང་དག་ཏུ་སྒྱུ་མ
210b5 རྣམ་པ་སྣ་ཚོགས་སྟོན་ཏོ། ། དེ་ལྟར་སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་དང་མཐུན་པར་སྟོན་ཏོ་སྙམ་དུ་ཤེས་ནས། ཤའི་མིག་དང་ལྡན་པའི་བྱས་པ་རྣམས་ཀྱིས་ཀྱང་ཐོགས་པ་མེད
210b6 པའི་ཡེ་ཤེས་ཐོབ་པར་བྱ་བའི་ཕྱིར་མཁས་པའི་ཤེས་པ་ལ་གནས་པར་བྱའོ། ། དེ་ལྟར་ན་མྱ་ངན་དང་མྱ་ངན་མེད་པ་ཞེས་བྱ་བ་ནི་རྫོགས་པའི་སངས་རྒྱས་ཀྱིས་རྟགས་པ་ཡིན་གྱིས། བྱིས་པ་རྣམས
210b7 ཀྱི་ཡུལ་མ་ཡིན་ནོ། ། དེ་བས་ན་ཆོས་ཁ་ཅིག་ནི་བདག་ཡོད་ལ། ཆོས་ཁ་ཅིག་ནི་བདག་མེད་དེ། འདི་ནི་ཟལ་མོ་ལྟ་བུར་བསྟན་པ་ཡིན་ནོ།། རིགས་ཀྱི་བུ་གཞན་ཡང་སངས་རྒྱས་ཀྱི་སྤྱོད་ཡུལ
iiif viewer powered by OpenSeadragon
