| e-texts navigator |
| Wylie |
210a1 བ་ནི་སངས་རྒྱས་རྣམས་ཀྱིས་སངས་རྒྱས་ཀྱི་མཁྱེན་པར་ཟད་དེ། ཡིད་ཀྱི་རང་བཞིན་ལ་མྱ་ངན་ག་ལ་ཡོད།། མྱ་ངན་མེད་ནའང་བསྟན་པ་ཤིན་ཏུ་རྒྱས་པ་ཅི་ཡོད་པ་དང
210a2 འགལ་ལོ། ། མྱ་ངན་མེད་དོ་ཞེས་ན་ནི་སྒྲ་གཅན་ཟིན་དང་འདྲ་བར་གཟིགས་ཞེས་བྱ་བ་བརྫུན་པར་འགྱུར་རོ།། ཆོས་ཐམས་ཅད་བརྫུན་པའོ་ཞེས་བྱ་བ་ནི་བསམ་གྱིས་མི་ཁྱབ་པར་བསྟན་ཏོ།།
210a3 དེ་བཞིན་དུ་སངས་རྒྱས་བཅོམ་ལྡན་འདས་ཀྱང་བསམ་གྱིས་མི་ཁྱབ་བོ།། ཆོས་ཀྱང་བསམ་གྱིས་མི་ཁྱབ་བོ།། བསྟན་པའང་བསམ་གྱིས་མི་ཁྱབ་སྟེ།། དེ་ལྟར་ན་སངས་རྒྱས་རྣམས་ཀྱི
210a4 ཡང་དག་པའི་ཆོས་ཉིད་ནི་དེ་ཡིན་ནོ། ། ཇི་སྲིད་དུ་ནམ་མཁའ་ཡིན་པ་དེ་སྲིད་དུ་ཁྱིམ་གནས་པའང་མེད། ཀ་བའང་མེད། རྡུལ་ཡང་མེད་དེ། ནམ་མཁའི་ངོ་བོ་ཉིད་ཁོ་ནར་འདུག་པ་དེ
210a5 མཐོང་ནས་བྱིས་པའི་རང་བཞིན་ཅན་རྣམས་ཀྱིས་ནམ་མཁའ་ཇི་ལྟར་འདུག་པ་དེ་བཞིན་དུ་སེམས་ཡོངས་སུ་བསྒྱུར་བར་བྱའོ། ། དེ་ལྟར་བསམ་གྱིས་མི་ཁྱབ་པ་ལ་མྱ་ངན་ག་ལ་ཡོད། མྱ་ངན
210a6 མེད་པར་ཡང་སྒྲ་གཅན་ཟིན་བཞིན་དུ་གཟིགས་ཞེས་བྱ་བ་དོན་མེད་པར་འགྱུར་ཏེ། དེ་བཞིན་གཤེགས་པའི་མྱ་ངན་ནི་ནམ་མཁའ་དང་འདྲའོ།། སྒྱུ་མ་ལ་སེམས་བཞིན་མེད་པ་བཞིན་དུ་དེ་བཞིན
210a7 གཤེགས་པ་ལ་མྱ་ངན་མངའ་ཞེས་བྱ་བ་དེའང་སྒྱུ་མའི་ཚུལ་ཙམ་དུ་ཟད་ན། ཡོངས་སུ་མྱ་ངན་ལས་འདས་པ་ལྟ་ལ་མྱ་ངན་ག་ལ་ཡོད། མི་རྟག་པ་ལ་ནི་མྱ་ངན་ཡོད་དེ། དེ་དག་གི་སེམས
iiif viewer powered by OpenSeadragon
