| e-texts navigator |
| Wylie |
209b1 མཆོག་ཏུ་མཐར་ཕྱིན་པ་གང་ཡིན་པ་དེ་ནི་རྒྱུ་ཞེས་བྱའོ།། དེ་བས་ན་ཆོས་ལ་ཅིག་ནི་མི་རྟག་ལ། ཆོས་ཁ་ཅིག་ནི་རྟག་ཅེས་བྱའོ།། གསོལ་པ། སངས་རྒྱས་ལའང་མྱ་ངན་གྱི་ཟུག་རྔུ་མཛད་པ
209b2 མངའ་འོ་ཞེས་སྨོས་ཏེ། རྫོགས་པའི་སངས་རྒྱས་ཀྱི་ནི་མོའི་མྱ་ངན་ལྟ་བུའང་མ་ལགས། ལྷའི་མྱ་ངན་ལྟ་བུའང་མ་ལགས། བདུད་ཀྱི་མྱ་ངན་ལྟ་བུའང་མ་ལགས། སངས་རྒྱས་ནི་དུད་འགྲོར
209b3 སྐྱེས་པ་ལྟ་བུར་ཡང་མྱ་ངན་མི་མཛད་ལགས་ན། ཇི་ལྟ་བུ་ཞིག་ལགས། བཀའ་སྩལ་པ། འདུ་ཤེས་མེད་པ་རྣམས་ཀྱི་འདུ་ཤེས་ཀྱང་ཇི་ལྟ་བུ་ཞིག། འདུ་ཤེས་མེད་ན་ནི་བསོན་པའི
209b4 ཡང་མི་རོགས་ཏེ། འདུ་ཤེས་མེད་པ་རྣམས་ནི་གསོན་པོ་ཡོན་ནོ།། ཕུང་པོ་དང་། ཁམས་དང་། སྐྱེ་མཆེད་རྣམས་མེད་པ་དེ་དག་ལ་འདུ་ཤེས་ག་ལ་ཞིག་ཡོད་དེ། དཔེར་ཤིང་རྣམ
209b5 ལ་ལྷ་རྣམས་གནས་མོད་ཀྱི། ལྷ་དེ་དག་ཤིང་གི་ཡལ་ག་རྣམས་སམ། རྩ་བ་རྣམས་གང་ན་གནས་པ་མི་མངོན་པ་དེ་བཞིན་དུ་བསྟན་པའང་ཟབ་བོ།། དེ་བཞིན་གཤེགས་པའང་ཟབ་བོ།།
209b6 སྒྲ་གཅན་ཟིན་ལ་བྱ་བ་བཞིན་དུ་བྱམས་པས་རྟག་ཏུ་མྱ་ངན་བྱེད་པ་ནི་འདུ་ཤེས་མེད་འདུ་ཤེས་མེད་མིན་གྱི་ལྷ་རྣམས་མྱ་ངན་བྱེད་པ་དང་འདྲའོ།། དེ་དག་ནི་སངས་རྒྱས་རྣམས་ཀྱི་སྤྱོད་ཡུལ
209b7 ཡིན་ཏེ། སངས་རྒྱས་རྣམས་ནི་དེ་ལྟ་བུ་ཡིན་ནོ།། སངས་རྒྱས་རྣམས་ཀྱི་ཆོས་ཉིད་ཅི་འདྲ་བ་དང་། སྐུ་ཅི་འདྲ་བ་དང་། རང་བྱུང་རྣམས་ཀྱི་གསུང་ཅི་འདྲ་བ་དང་། ཐུགས་ཅི་གྲ།
iiif viewer powered by OpenSeadragon
