| e-texts navigator |
| Wylie |
207b1 ལང་ཆོས་ཁ་ཅིག་ནི་རྟག་པའི་ཕྱིར་དང་། ཆོས་ལ་ཅིག་ནི་སྡུག་བསྔལ་ཡ། ཆོས་ལ་ཅིག་ནི་བདེ་བའི་ཕྱིར་དང་། ཆོས་ཁ་ཅིག་ནི་བདག་མེད་ལ། ཆོས་ཁ་ཅིག་ནི་བདག་ཡོད་པའི་ཕྱིར་ཏེ
207b2 དཔེར་ན་བུ་ར་མ་ཤིང་དང་། འབྲས་སཱ་ལུ་དང་། འབྲུ་དང་། ཁྲེ་དང་། ཁྲེ་རྒོད་དང་། སྲན་མ་དང་། སྲན་སྣེའུ་དང་། སྲན་གྲེའུ་ལ་སོགས་པ་འབྲུའི་སྣ་གྲངས་རྣམས་མེ་ཏོག་གི་དུས་ནས་འབྲས
207b3 བུའི་དུས་ཀྱི་བར་དུ་ནི་མི་རྟག་པའི་ཁོངས་སུ་འདུས་སོ། ། ཕུབ་མ་མེད་པར་གྱུར་ནས་ནི། སེམས་ཅན་ཐམས་ཅད་ལ་ལན་འདོགས་པར་འགྱུར་ཡ། འབྲུའི་གྲངས་ཀྱི་ཁོངས་སུ་འདུས་ཏེ
207b4 དེས་ན་རྟག་པ་ཞེས་བྱའོ། ། ཅིའི་ཕྱིར་ཞེ་ན། རང་བཞིན་དུ་གྱུར་པའི་ཕྱིར་རོ།། གསོལ་པ། བཅོམ་ལྡན་འདས་ཅི་ལགས། དེ་དག་སླད་ཀྱིས་མ་མཆིས་པར་མི་འགྱུར་ལགས་སམ
207b5 དེ་དག་སླད་ཀྱིས་མ་མཆིས་པར་མི་འགྱུར་བ་བཞིན་དུ་དེ་བཞིན་གཤེགས་པ་རྟག་ཅེས་བགྱི་ལགས་སམ། བཀའ་སྩལ་པ། དེ་བཞིན་གཤེགས་པ་རི་རབ་བཞིན་ཞེས་དཔེར་བླང་མོད་ཀྱི། རིའི་རྒྱབ
207b6 པོ་རི་རབ་ཀྱང་འཇིག་པའི་བསྐལ་པས་འཇིག་པར་འགྱུར་བ་བཞིན་དུ་དེ་བཞིན་གཤེགས་པ་ལ་ཁྱོད་དེ་ལྟར་མ་འཛིན་ཅིག། མྱ་ངན་ལས་འདས་པ་མ་གཏོགས་པར་འཇིག་རྟེན་ཐམས་ཅད་ན
207b7 འཇིག་པར་མི་འགྱུར་བ་ཅུང་ཟད་ཀྱང་མེད་ཀྱིས་འཇིག་རྟེན་དང་མཐུན་པའི་ཚུལ་གྱིས་ཀུན་རྫོབ་ཀྱི་ཐ་སྙད་ཀྱི་རྗེས་སུ་འཇུག་པར་གྱིས་ཤིག། གསོལ་པ། བཅོམ་ལྡན་འདས་ལེགས་སོ།།
iiif viewer powered by OpenSeadragon
