| e-texts navigator |
| Wylie |
203a1 ཅི་ཞིག་རྒྱས་པར་བྱེད་ཅེ་ན། འཕགས་པ་རྣམས་ལ་བརྟེན་ནས་སེམས་ཅན་ཐམས་ཅད་ཀྱིས་ཆོ་ག་དང་། སྤྱོད་ཡུལ་དང་། བ་མ་དང་། སློབ་དཔོན་དང་། འདུལ
203a2 བ་གཅེས་པ་ཡིན་པར་ཤེས་ཤིང་། འདི་ནི་ཆོས་ཉིད་ཡིན་ནོ་སྙམ་དུ་ཤེས་པར་འགྱུར་བའོ།། འཕགས་པ་གང་ཡིན་པ་དེ་དག་ནི།། རིགས་ཀྱི་བུ་འམ། རིགས་ཀྱི་བུ་མོ་ཐེག་པ་ཆེན་པོ་ལ་ཞུགས
203a3 པ་རྣམས་ཏེ། དགེ་སློང་ཚུལ་ཁྲིམས་དང་ལྡན་པ་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་འཕགས་པ་ཞེས་བྱའོ།། ཡང་ཨ་ཞེས་བྱ་བ་ནི་ཁྲིམས་སུ་སྟོན་པ
203a4 སྟེཁྲིམས་ཞེས་བྱ་བ་ནི་ཀྱེ་མི་ཁྱོད་ཚུར་ཤོག། ཁྱོད་ཀྱིས་ཚུལ་མ་ཡིན་པ་བྱས་ཀྱི། ཕྱིན་ཆད་དེ་ལྟར་མ་བྱེད་ཅིག་ཅེས་བྱ་བ་དེ་ལྟ་བུ་ཚུལ་མ་ཡིན་པ་རྣམས་དེའི་ཚེ་དྲན་པར་བྱེད་པའི་དོན་ཏོ།།
203a5 ཨི་ཞེས་བྱ་བ་ནི་འདི་ཞེས་བྱ་བའི་དོན་ཏེ། བསྟན་པ་འདི་ནི་ཚངས་པར་སྤྱོད་པ་ཟླ་བ་ཉ་བ་བཞིན་དུ་དྲི་མ་མེད་ཅིང་རྣམ་པར་དག་པའོ།། བསྟན་པ་འདི་ནི་བཅོམ་ལྡན་འདས་ཀྱིའོ།། འདི་ནི་བྱོས་ཤོག
203a6 འདི་ནི་དོན་ཡོད་པའོ། ། འོད་ནི་དོན་མེད་པའོ།། འདི་ནི་བདུད་ཀྱིས་སྨྲས་པའོ།། འདི་ནི་སངས་རྒྱས་ཀྱིས་གསུངས་པའོ་སྙམ་དུ་ཉམས་སུ་མྱོང་བར་བྱ་བའི་དོན་ཏོ།། ཨཱི་ཞེས་བྱ་བ་ནི་དབང
203a7 ཕྱུག་སྟེ། ངའི་བསྟན་པ་འདི་ནི་དབང་ཕྱུག་དང་། དབང་ཕྱུག་ཆེན་པོ་དང་། ཚངས་པ་དང་། ཤིན་ཏུ་དཀོན་པའོ།། དབང་ཕྱུག་ནི་ཆོས་སྐྱོང་བ་སྟེ། ཆོས་སྐྱོང་བས་ན་རྒྱལ་པོའོ།།
iiif viewer powered by OpenSeadragon
