| e-texts navigator |
| Wylie |
202b1 ཆོས་མ་ཡིན་པའི་ཕྱིར་ནི་མ་ཡིན་ནོ། ། གསོལ་པ། ཡི་གེ་ཞེས་བགྱི་བའི་དོན་གང་ལགས། བཀའ་སྩལ་པ། སྒྲ་བཅུ་བཞི་ལ་ནི་ཡི་གེ་ཞེས་བྱ་སྟེ། གང་གི་ཕྱིར་ཡི་གེ་ཐམས་ཅད་ངེས་པ་ཡིན
202b2 པའི་ཕྱིར་ཏེ། མི་ཟད་པའི་དོན་ཏོ།། ཡི་གེའི་སྒྲ་བཅུ་བཞི་ཞེས་བྱ་བ་གང་གིས་མི་ཕྱེད་པའི་དོན་གང་ཡིན་ཞེ་ན། མི་ཟག་པའི་དོན་ཏོ།། ཡི་གེ་ཞེས་བྱ་བ་ནི་དེ་བཞིན་གཤེགས་པའི་དོན་ཏོ།།
202b3 དེ་བཞིན་གཤེགས་པ་ནི་རྡོ་རྗེའི་སྐུ་མི་ཕྱེད་པ་ཡིན་ཏེ། དེ་བཞིན་གཤེགས་པ་ལ་སྒོ་དགུ་ནས་འཛག་ཅེས་བྱ་བའང་མེད་ལ། སྒོ་དགུ་པོ་ཉིད་ཀྱང་མེད་དོ།། དེ་བས་ན་མི་ཟག་པའི་དོན་ནི་དེ་བཞིན
202b4 གཤེགས་པའི་སྟེ། ངེས་པ་ཡིན་པའི་ཕྱིར་ཡི་གེ་ཞེས་བྱ་བ་སྟེ། བྱས་པ་མ་ཡིན་པའི་དོན་ཏོ།། ཨ་ཞེས་བྱ་བ་ནི་བཀྲ་ཤིས་ཀྱི་དོན་ཏེ། གཞི་གསུམ་ཞེས་བྱ་བའི་ཐ་ཚིག་གོ།། ཡང
202b5 ཨ་ཞེས་བྱ་བ་ནི་འཕགས་པ་རྣམས་ཀྱི་ཡེ་ཤེས་ཀྱི་ཆོག་བླ་དགས་སོ། ། འཕགས་པ་གང་དག་ཡིན་ཞེ། འཇིག་རྟེན་ན་ཕྱུག་པ་དང་། ཆགས་པ་མེད་པ་དང་། རུང་བ་ཐམས་ཅད
202b6 ཀྱིས་ཆོག་པར་འཛིན་པ་གང་ཡིན་པ་རྣམས་དང་། སེམས་ཅན་ཐམས་ཅད་སྲིད་པའི་རྒྱ་མཚོ་ཐམས་ཅད་ལས་ངེས་པར་སྒྲོལ་བ་གང་ཡིན་པ་དེ་དག་ལ་ནི་འཕགས་པ་ཞེས་བྱའོ།། ཨཱ་ཞེས་བྱ་བ
202b7 ནི་ཆོས་ལུགས་སུ་སྟོན་པ་སྟེ། ཆོ་ག་དང་། སྤྱོད་ཡུལ་དང་། འདུལ་བ་དང་། འཇིག་རྟེན་དང་མཐུན་པར་འཇུག་པ་ཞེས་བྱ་བས་ན་དོན་ཐ་དད་པ་མ་ཡིན་ནོ།། ཡང་ཨ་ཞེས་བྱ་བས་དོན
iiif viewer powered by OpenSeadragon
