| e-texts navigator |
| Wylie |
201a1 གཅིག་གི་ཁྱིམ་དུ་གཅིག་འགྲོ་ཞིང་རྩེ་བར་བྱེད་ལ། དེ་ནས་མི་དབུལ་པོ་དེས་རྒྱལ་པོའི་བུ་དེའི་རལ་གྲི་དེ་ལ་མདོག་བཟང་པོ་མཐོང་བ་ལས། རྒྱལ་པོའི་བུ་དེས་རལ་གྲི་དེ་ཁྱེར་ཏེ་ཡུལ
201a2 གཞན་དུ་སོང་ངོ་། ། དེ་ནས་མི་དབུལ་པོ་དེ་མཚན་མོ་མགོན་མེད་པའི་རྟེན་ཁང་ཞིག་ཏུ་ཉལ་བ་ལས་བརྡོལ་ཏེ་རལ་གྲི་རལ་གྲི་ཞེས་ཟེར་ནས། དེའི་ཚིག་གྲོང་སྲུངས་རྣམས་ཀྱིས་ཐོས་ནས་རྒྱལ་པོ་ལ་གསོལ
201a3 ཏེང་རྒྱལ་པོ་དེས་མི་དེ་བཀུག་ནས་ཀཱ་ཡེ་རལ་གྲི་དེ་ཅི་འདྲ་བ་ཞིག། ག་ལས་འོངས་ཞེས་སྨྲས་པ་དང་། དེས་སྐབས་དེའི་གཏམ་རྒྱལ་པོ་དེ་ལ་གསོལ་ནས། ལྷ་གལ་ཏེ་བདག་གིས་བརྐུས་པར་གྱུར་ན
201a4 བདག་རྐང་ལག་འདི་དག་གཅད་དུ་གསོལ། བདག་གིས་ནི་མཛའ་བོ་དང་ལྷན་ཅིག་རྩེ་བའི་ཚེ་མཐོང་བར་བྱས་ཏེ། རེག་ཀྱང་མ་རེག་ལགས་སོ་ཞེས་བྱས་སོ།། དེ་ནས་རྒྱལ་པོ་དེས། དེ་ལ
201a5 སྨྲས་པ། རལ་གྲི་དེ་དབྱིབས་དང་མདོག་ཅི་འདྲ་བ་ཞིག་ཅེས་བྱས་ནས། དེས་རྒྱལ་པོ་ལ་གསོལ་པ། ལྷ་རལ་གྲི་དེ་ནི་ར་རུ་འདྲ་བ་ཞིག་ལགས་སོ་ཞེས་བྱས་སོ།། དེ་ནས་རྒྱལ་པོ་དེས་མི་དེ
201a6 བཏང་སྟེ་མི་ཁྱོད་མ་འཇིགས་ཤིག་མ་འཇིགས་ཤིག། སྦྱིན་པར་གར་དགའ་བར་སོང་ཞིག། ཁྱོད་ཀྱིས་སྔོན་རལ་གྲི་དེ་རྒྱལ་པོའི་ཕོ་བྲང་འདིར་མཐོང་ཡང་མ་མཐོང་སྟེ། རྒྱལ་པོའི་བུས་རང
201a7 གི་ཡུལ་དུ་ཚོང་དུས་ནས་རྙེད་པ་ལྟ་ཞིག་སྟེ། དེ་ནི་རྒྱལ་པོས་ཀྱང་རྙེད་པར་དཀའ་འོ་ཞེས་བྱས་སོ།། དེ་ནས་རྒྱལ་པོ་དེས་མདུན་ན་འདོན་པ་དང་བློན་པོ་རྣམས་ལ་རལ་གྲི་དེ་མཐོང་ངམ་ཞེས་བྱས
iiif viewer powered by OpenSeadragon
