| e-texts navigator |
| Wylie |
200b1 རང་སངས་རྒྱས་ཀྱི་ཡུལ་མ་ཡིན་ནོ། ། རིགས་ཀྱི་བུ་དེ་ལྟར་ན་ངའི་བསྟན་པ་ནི་མཁས་པས་རིག་པར་བྱ་བ་ཡིན་ཏེ། འཇིག་རྟེན་ཐམས་ཅད་དང་མི་མཐུན་ནོ།། གསོལ་པ། གས་ཏེ་དེ་ལྟ་ལགས་ན་ཤའི
200b2 མིག་དང་ལྡན་པ་རྣམས་ཀྱིས་ཆ་ཕྲ་བ་ཇི་ལྟར་བལྟ་བར་བགྱི་ལགས། བཀའ་སྩལ་པ། འདུ་ཤེས་མེད་འདུ་ཤེས་མེད་མིན་གྱི་ལྷ་རྣམས་ཀྱང་ཇི་ལྟར་བལྟ་བར་བྱ། འདི་ནི་སངས་རྒྱས
200b3 ཉིད་ཀྱི་ཡུལ་ཡིན་གྱི། ཉན་ཐོས་དང་རང་སངས་རྒྱས་ཐམས་ཅད་ཀྱི་ཡུལ་མ་ཡིན་ཏེ། དེ་དག་གིས་ནི་མདོ་འདི་རྗེས་སུ་མཐུན་པ་ལས་ཡིད་ཆེས་པར་བྱའོ།། དེ་ལྟར་བྱས་ཏང་དེ་དག
200b4 ཀྱང་ཡང་དག་པའི་ལྟ་བ་ཅན་དུ་འགྱུར་རོ། ། རིགས་ཀྱི་བུ་དེ་ལྟར་ན་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་འདིའི་ཚུལ་གྱིས
200b5 བདག་གི་ལུས་ལ་དེ་བཞིན་གཤེགས་པའི་སྙིང་པོ་ཡོད་པར་ཡིད་ཆེས་པར་བྱ་སྟེ། མདོ་སྡེ་དང་རྗེས་སུ་མཐུན་པར་བརྩོན་པར་བྱའོ།། དེ་བཞིན་གཤེགས་པའི་སྙིང་པོ་ནི་དེ་བཞིན་གཤེགས
200b6 པའི་ཡུལ་ཡིན་གྱི། ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ནོ།། གསོལ་པ། བཅོམ་ལྡན་འདས་འཇིག་རྟེན་པ་རྣམས་ལའང་སེམས་ཅན་གྱི་ཁམས་གང་ཟག་གཞག་པ་མཆིས
200b7 ལགས་སོ། ། བཀའ་སྩལ་པ། རིགས་ཀྱི་བུ་དཔེར་ན་མི་གཉིས་ཤིག་མཛའ་སྟེ། གཅིག་ནི་རྒྱལ་པོའི་བུ། གཅིག་ནི་དབུལ་པོའི་བུ་ཞིག་ཡིན་ལ། དེ་གཉིས་ཕན་ཚུན་བྱམས་པས
iiif viewer powered by OpenSeadragon
