| e-texts navigator |
| Wylie |
200a1 པ་དེ་བཞིན་གཤེགས་པའི་སྙིང་པོ་ཡོད་བཞིན་དུ་ཡོད་པར་རོལ་གྱིར་མཐོང་བར་ཟད་དོ། ། དཔེར་ན་མིལ་ལ་ཎྜ་དྲོ་ལྷོ་བུར་འཕྲིགས་པ་ན་ཕན་ཚུན་འགྲོ་བ་ལས་བྱིས་པ་དག
200a2 མཐོང་ནས་འདི་སྙམ་དུ་རྟོག་སྟེ། ཅི་བ་གླང་ངམ། མ་ཧེ་འམ། འོན་ཏེ་བྱ་རྒོད་དམ་སྙམ་པ་ལས། དེའི་འོག་ཏུ་བྱིས་པ་ཡིན་པར་རོལ་ཕྱིར་མཐོང་བ་དེ་བཞིན་དུ། ས་བཅུ་ཐོབ་པའི
200a3 བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་། རང་གི་ལུས་ལ་དེ་བཞིན་གཤེགས་པའི་སྙིང་པོ་ཡོད་བཞིན་དུ་ཡོད་པར་འོལ་ཕྱིར་མཐོང་བར་ཟད་དོ།། དཔེར་ན
200a4 བ་ཡང་ཆུབ་སེམས་དཔའི་གཟུགས་རས་ཆེན་པོ་ལ་བྲིས་པ་མཚན་མོ་མུན་པའི་ནང་དུ་བཀྲམ་པ་ལ་མི་མིག་ཡོད་པ་དེ་དག་གིས་བརྟགས་ན་ཅི་སངས་རྒྱས་ཀྱི་སྐུ་གཟུགས་ཤིག་ཡིན་ནམ
200a5 འོན་ཏེ་ཟོང་རས་དམར་པོ་ཞིག་ཀམ། འོན་ཏེ་དབང་ཕྱུག་ཆེན་པོ་དང་། ཚངས་པའི་གཟུགས་ཤིག་གམ་སྙམ་པ་ལས། དེའི་འོག་ཏུ་བྱང་ཆུབ་སེམས་དཔའི་གཟུགས་ཡིན་པར་འོལ
200a6 བྱིཕྱིར་མཐོང་བ་དེ་བཞིན་དུ། རིགས་ཀྱི་བུ་ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་རང་གི་ལུས་ལ་དེ་བཞིན་གཤེགས་པའི་སྙིང་པོ་ཡོད་བཞིན་དུ
200a7 ཡོད་པར་འོལ་ཕྱིར་མཐོང་བར་ཟད་དོ། ། རིགས་ཀྱི་བུ་དེ་ལྟར་ན་དེ་བཞིན་གཤེགས་པའི་སྙིང་པོ་ནི་མཐོང་བར་ཤིན་ཏུ་དཀའ་སྟེ། དེ་བཞིན་གཤེགས་པའི་ཡུལ་ཡིན་གྱི། ཉན་ཐོས་དང
iiif viewer powered by OpenSeadragon
