| e-texts navigator |
| Wylie |
198b1 ཡོངས་སུ་སྦྱང་བ་བྱས་ཀྱང་། མི་དེ་དང་འདྲ་བར་བདག་ཉིད་ལ་དེ་བཞིན་གཤེགས་པའི་སྙིང་པོ་ཡོད་པར་ལན་གཉིས་ལན་གསུམ་གྱི་བར་དུ་ངས་བསྟན་པ་དང་དེའུ་མ་མཐོང་སྟེ། མཐོང
198b2 ནས་འདི་སྐད་ཅེས་ཟེར་ཏེ། བདག་ཅག་ཀྱང་ཡུན་འདི་སྲིད་ཀྱི་བར་དུ་བདག་མེད་པའི་འཁོར་ལོ་གཅིག་པུས་ཡོངས་སུ་བསྐོར་ན། ཉན་ཐོས་དང་རང་སངས་རྒྱས་རྣམས་ཀྱིས་ལྟ་མཐོང་རེ་སྐན
198b3 ཞེས་ཟེར་ཏེ། རིགས་ཀྱི་བུ་དེ་ལྟར་ན་ངའི་ཁམས་ཀྱི་བསྟན་བཅོས་ལ་འཇུག་པ་ནི་མཐོང་བར་དཀའ་བ་ཡིན་ནོ།། རིགས་ཀྱི་བུ་གཞན་ཡང་དཔེར་ན་མི་ལ་ལ་ཞིག་གིས་ནམ་མཁའ་ལ་ངང
198b4 བ་སྦྲེངས་ཤིང་ལྡིང་བ་མཐོང་ནས། དེས་དེ་ལྟར་མཐོང་ནས་ཐེ་ཙོམ་སྐྱེས་ཏེ། ཅི་འདི་ནམ་མཁའ་ཡིན་ནམ། འོན་ཏེ་ངང་པ་ལྡིང་བ་ཡིན་ཇི་གུ་སྙམ་པ་ལས། དེས་ལེགས་པར་བརྟགས
198b5 ན་ངང་པ་ལྡིང་བ་ཡིན་པར་འོལ་ཕྱིར་མཐོང་བ་དེ་བཞིན་དུ། ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་བདག་ཅག་གིས་རང་རང་ལ་དེ་བཞིན་གཤེགས
198b6 པའི་སྙིང་པོ་ཡོད་པར་འོལ་ཕྱིར་མཐོང་ངོ་སྙམ་དུ་སེམས་ན། ཉན་ཐོས་དང་རང་སངས་རྒྱས་ཐམས་ཅད་ཀྱིས་ལྟ་མཐོང་རེ་སྐན། དཔེར་ན་མི་ལ་ལ་ལམ་དུ་ཞུགས་པ་ལས་མཁྲིས་པ་འཁྲུགས
198b7 ཏེ་ཕྱོགས་བསླད་ནས་ལེགས་པར་བརྟགས་ན་ཡམ་དང་གཟུགས་འོལ་བྱར་མཐོང་བ་དེ་བཞིན་དུ། ས་བཅུ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་ལེགས
iiif viewer powered by OpenSeadragon
