| e-texts navigator |
| Wylie |
197a1 དེ་ཟོས་ན་ནི་འོ་མ་མར་གྱི་ཉིང་ལུའི་རང་བཞིན་ཁོ་ནར་འབྱུང་སྟེ། དཀར་བའང་མ་ཡིན། སྔོ་བའང་མ་ཡིན། དམར་བའང་མ་ཡིན། སྔོ་སྐྱབང་མ་ཡིན་པ
197a2 མར་གྱི་ཉིང་ཁུའི་རང་བཞིནི་ཁོ་ནར་བྱུང་སྟེ། དེ་ལྟར་རྩཝའི་བྱེ་བྲག་གི་སེ་བོ་མ་མདོག་ངན་པ་དང་། མདོག་བཟང་པོར་འགྱུར་པ་དེ་བཞིན་དུ། མ་རིག་པ་དང་རིག་པ་གཉིས་སུ་མེད་མོད་ཀྱིས།
197a3 སེམས་ཅན་རྣམས་ཀྱི་ལས་ཀྱི་ཉེས་པས་རིག་པ་གང་ཡིན་པ་དེ་ཉིད་མ་རིག་པ་ལྟ་བུར་གྱུར་ཏེ། དགེ་བ་དང་མི་དགེ་བའི་ཆོས་ཐམས་ཅད་ཀྱང་གཉིས་སུ་མེད་པ་ཁོ་ནའོ།། དེ་བས་ན་སྔར་བསྟན
197a4 པ་ཁོ་ན་བཞིན་དུ། དེ་བཞིན་གཤེགས་པའི་སྙིང་པོ་ནི་མར་གྱི་ཉིང་ཁུ་ལྟ་བུའི་རང་བཞིན་ཅན་ཡིན་མོད་ཀྱི། ཉོན་མོངས་པའི་རྣམ་པའི་ཉེས་པས་གཞན་དུ་སྣང་བར་འགྱུར་རོ།། དཔེར་ན་རྒྱ་མཚོའོ།།
197a5 ཆུ་ནི་ལན་ཚྭའི་དོན་གཅིག་པུ་བྱེད་པར་ཟད་མོད་ཀྱི། ལན་ཚྭའི་དོན་གཅིག་པུ་བྱེད་པའོ་ཞེས་བརྗོད་པར་མི་བྱ་སྟེ། རྒྱ་མཚོའི་ནང་ན་འོ་མའི་རྒྱ་མཚོ་ཞེས་བྱ་བའང་ཡོད་དོ།། གངས་ཀྱི་རི་ལའང
197a6 སྨན་མོད་པའི་ཕྱིར་ཡོན་ཏན་ལས་སྨོས་ཏེ། གངས་ཀྱི་རི་ལ་ནི་དུག་ཀྱང་ཡོད་མོད་ཀྱི། འོན་ཀྱང་སྨན་གཙོ་བོར་སྨོས་པ་དེ་བཞིན་དུ་ལུས་འདི་ཡང་དེ་དང་འདྲ་སྟེ། སྦྲུལ་གདུག་པ་ལྟ་བུའི་ཁམས
197a7 བཞིའི་དུག་དང་ལྡན་མོད་ཀྱི། སྨན་གྱི་རྒྱལ་པོ་དེ་བཞིན་གཤེགས་པའི་སྙིང་པོ་དེ་ཡོད་པས་ན། དེ་བཞིན་གཤེགས་པའི་སྙིང་པོ་ཐོག་མ་ནས་བཅོས་མ་མ་ཡིན་པའི་ཁམས་ཡིན་ལ། ཉོན
iiif viewer powered by OpenSeadragon
